മലപ്പുറം: പ്രവാസികൾക്ക് ആശ്വാസമായി സൗദി എയർലൈൻസ് നീണ്ട പത്ത് വർഷത്തെ ഇടവേളയ്ക്ക് ശേഷം കരിപ്പൂർ വിമാനത്താവളത്തിൽ സർവീസ് പുനരാരംഭിച്ചു. വൻ വരവേൽപ്പാണ് ആദ്യ വിമാനത്തിന് വിമാനത്താവള അധികൃതരും യാത്രക്കാരും ചേർന്ന് നൽകിയത്.(10-year wait ends, Saudi Airlines returns to Karipur)
ആഴ്ചയിൽ നാല് ദിവസങ്ങളിലാണ് (ചൊവ്വ, വ്യാഴം, ശനി, ഞായർ) സർവീസുകൾ ക്രമീകരിച്ചിരിക്കുന്നത്. 165 പേർക്ക് യാത്ര ചെയ്യാവുന്ന ചെറിയ വിമാനമാണ് (Narrow Body) നിലവിൽ സർവീസിന് ഉപയോഗിക്കുന്നത്. ഇതിൽ 20 ബിസിനസ് ക്ലാസ് സീറ്റുകളും 145 ഇക്കണോമി ക്ലാസ് സീറ്റുകളുമുണ്ട്.
മലബാർ മേഖലയിൽ നിന്നുള്ള സൗദി പ്രവാസികളുടെ യാത്രാക്ലേശം പരിഹരിക്കാനും തിരക്ക് കുറയ്ക്കാനും ഈ സർവീസുകൾ സഹായിക്കും.
