കൊച്ചി: പൂനെ–എറണാകുളം എക്സ്പ്രസിൽ രണ്ടുവയസ്സുകാരനെ ഉപേക്ഷിക്കപ്പെട്ട നിലയിൽ കണ്ടെത്തിയ സംഭവത്തിൽ മാതാപിതാക്കളെ കണ്ടെത്താൻ പോലീസ് അന്വേഷണം വ്യാപിപ്പിച്ചു. കുഞ്ഞ് ചില മലയാളം വാക്കുകൾ സംസാരിക്കുന്നതിനാൽ കുട്ടി മലയാളി തന്നെയാകാനാണ് സാധ്യതയെന്ന് റെയിൽവേ പോലീസ് വിലയിരുത്തുന്നു. എന്നാൽ ഒഡീഷ സ്വദേശിയാണോ എന്ന കാര്യത്തിലും അന്വേഷണം നടക്കുന്നുണ്ട്.(2-year-old boy abandoned on train, Search intensifies for parents)
ജനുവരി 17-നാണ് നാടിനെ നടുക്കിയ ഈ സംഭവം നടന്നത്. തൃശൂരിനും ആലുവയ്ക്കും ഇടയിൽ വെച്ചാകാം മാതാപിതാക്കൾ ട്രെയിനിൽ നിന്ന് ഇറങ്ങിപ്പോയതെന്നാണ് കരുതുന്നത്.
തൃശൂർ, ആലുവ, എറണാകുളം സ്റ്റേഷനുകളിലെ സി.സി.ടി.വി ദൃശ്യങ്ങൾ പോലീസ് പരിശോധിച്ചുവരികയാണ്. കുഞ്ഞിന്റെ ആരോഗ്യനില നിലവിൽ തൃപ്തികരമാണ്. കുഞ്ഞിനെ ഇപ്പോൾ ശിശു ക്ഷേമ സമിതിയുടെ സംരക്ഷണ കേന്ദ്രത്തിലേക്ക് മാറ്റി.
