തിരുവനന്തപുരം: ആരോഗ്യ മന്ത്രി വീണാ ജോർജ് വരാനിരിക്കുന്ന നിയമസഭാ തിരഞ്ഞെടുപ്പിൽ ആറന്മുള മണ്ഡലത്തിൽ നിന്ന് തന്നെ ജനവിധി തേടും. മത്സരരംഗത്തുനിന്ന് വീണയെ ഒഴിവാക്കണമെന്ന കുടുംബത്തിന്റെ ആവശ്യം നിരസിച്ചാണ് സിപിഐഎം സംസ്ഥാന സെക്രട്ടേറിയറ്റ് ഈ തീരുമാനമെടുത്തത്. ഇതോടെ ആറന്മുളയിൽ വീണയ്ക്ക് ഇത് മൂന്നാം ഊഴമാകും.(Veena George to contest from Aranmula, CPIM State Secretariat rejects family’s demand)
കുടുംബപരമായ കാരണങ്ങൾ ചൂണ്ടിക്കാട്ടി വീണയുടെ ഭർത്താവ് ആണ് സ്ഥാനാർത്ഥിത്വത്തിൽ നിന്ന് ഒഴിവാക്കണമെന്ന് പാർട്ടി നേതൃത്വത്തോട് ആവശ്യപ്പെട്ടത്. സംസ്ഥാന-ജില്ലാ നേതാക്കളെ നേരിട്ടും ഫോണിലൂടെയും ഈ ആവശ്യം അറിയിച്ചിരുന്നു.
മണ്ഡലത്തിൽ വീണാ ജോർജ് നേരത്തെ തന്നെ തിരഞ്ഞെടുപ്പ് പ്രവർത്തനങ്ങൾ ആരംഭിച്ചിരുന്നു. സ്ഥാനാർത്ഥിത്വം സംബന്ധിച്ച ഔദ്യോഗിക പ്രഖ്യാപനം ഉടൻ ഉണ്ടാകും. വീണ ജോർജ് നിലവിൽ സംസ്ഥാന ആരോഗ്യ മന്ത്രിയാണ്.
