പത്തനംതിട്ട: ശബരിമല സന്നിധാനത്തും പരിസരത്തും നിയമം ലംഘിച്ച് ഷൂട്ടിങ്ങ് നടന്നതായി റിപ്പോർട്ട്. സംവിധായകനെതിരെ നേരത്തെ കേസെടുത്തിരുന്നു. ദേവസ്വം വിജിലൻസ് എസ്.പി സുനിൽകുമാർ സമർപ്പിച്ച റിപ്പോർട്ടിലാണ് ഈ ഗുരുതര കണ്ടെത്തലുള്ളത്.(Movie shooting took place in Sannidhanam, Devaswom Vigilance SP’s report)
പമ്പ പ്രമേയമാക്കി ഒരുക്കുന്ന ചിത്രത്തിനായി മകരവിളക്ക് ഉൾപ്പെടെയുള്ള ദൃശ്യങ്ങൾ പകർത്താൻ അനുമതി തേടിയിരുന്നെങ്കിലും ഹൈക്കോടതിയുടെ വിലക്കുള്ളതിനാൽ ഈ അപേക്ഷ നിരസിച്ചു.
ബോർഡ് അനുമതി നിഷേധിച്ചതിനെത്തുടർന്ന് സംവിധായകൻ സുരക്ഷാ ചുമതലയുള്ള എഡിജിപിയെ സമീപിച്ചിരുന്നു. പമ്പയിൽ ചിത്രീകരണത്തിന് എഡിജിപി അനുമതി നൽകിയെന്നാണ് സംവിധായകന്റെ വിശദീകരണം.
