മുംബൈ: ഒരു പരസ്യചിത്രത്തിന്റെ ഷൂട്ടിംഗിനിടെ കിയാര അദ്വാനിക്ക് നേരെ ഉണ്ടായ സുരക്ഷാ ഭീഷണിയെക്കുറിച്ച് ബോഡിഗാർഡ് സീഷാൻ ഖുറേഷി നൽകിയ അഭിമുഖമാണ് ഇപ്പോൾ ചർച്ചയാകുന്നത് (Kiara Advani ). ഏഴ് മാസം ഗർഭിണിയായിരുന്ന സമയത്ത് ഒരു അപരിചിതൻ സുരക്ഷാ വലയം ഭേദിച്ച് നടിയുടെ അടുത്തേക്ക് എത്താൻ ശ്രമിച്ചുവെന്ന് അദ്ദേഹം പറഞ്ഞു.
“അന്ന് കിയാര ഏഴ് മാസം ഗർഭിണിയായിരുന്നു. അതുകൊണ്ട് തന്നെ സിദ്ധാർത്ഥ് മൽഹോത്രയ്ക്ക് വലിയ ആശങ്കയുണ്ടായിരുന്നു. എന്റെ സേവനം പ്രത്യേകം ആവശ്യപ്പെട്ടതും അതുകൊണ്ടാണ്. ഷൂട്ടിംഗിനായി വാനിറ്റി വാനിൽ നിന്നും പുറത്തിറങ്ങിയ സമയത്താണ് സ്യൂട്ട് ധരിച്ച ഒരാൾ ബാരിക്കേഡുകൾ മറികടന്ന് കിയാരയുടെ അടുത്തേക്ക് കുതിച്ചെത്തിയത്. അയാൾ മാന്യനായിരിക്കുമെന്ന് കരുതിയെങ്കിലും പ്രകോപിതനായി പെരുമാറുകയായിരുന്നു. ഞാൻ ബാരിക്കേഡുകൾ വെച്ച് സുരക്ഷ ഒരുക്കിയിട്ടും അയാൾ അതിനുള്ളിലേക്ക് അതിക്രമിച്ചു കയറി. ഒടുവിൽ ആകാശ് അംബാനിയുടെ മാനേജറെ വിളിച്ചാണ് പ്രശ്നം പരിഹരിച്ചത്.”
2023-ലായിരുന്നു നടൻ സിദ്ധാർത്ഥ് മൽഹോത്രയും കിയാരയും തമ്മിലുള്ള വിവാഹം. 2025 ജൂലൈ 15-ന് ഇവർക്ക് ഒരു പെൺകുഞ്ഞ് പിറന്നു. ഗർഭകാലത്തും താരം അഭിനയരംഗത്ത് സജീവമായിരുന്നു എന്നതിന്റെ സൂചനയാണ് ഈ വെളിപ്പെടുത്തൽ നൽകുന്നത്.
യഷ് നായകനാകുന്ന ‘ടോക്സിക്’ (Toxic) ആണ് കിയാരയുടേതായി ഇനി പുറത്തിറങ്ങാനിരിക്കുന്ന ചിത്രം. മലയാളി സംവിധായിക ഗീതു മോഹൻദാസ് ഒരുക്കുന്ന ഈ ബിഗ് ബജറ്റ് ചിത്രത്തിനായി വലിയ പ്രതീക്ഷയോടെയാണ് ആരാധകർ കാത്തിരിക്കുന്നത്. ചിത്രത്തിന്റെ ഗ്ലിംപ്സ് വീഡിയോകൾ നേരത്തെ തന്നെ സോഷ്യൽ മീഡിയയിൽ വൈറലായിരുന്നു.
Story Summary: Kiara Advani’s bodyguard, Zeeshan Qureshi, revealed a security scare that happened when the actress was seven months pregnant. During an ad shoot, a fan tried to breach security and get close to her. Zeeshan mentioned that Sidharth Malhotra was worried about her safety during that time and asked him to be extra vigilant. Kiara and Sidharth welcomed their daughter on July 15, 2025. Her upcoming movie is “Toxic,” directed by Geethu Mohandas.
