കൊച്ചി: റിലീസിനെതിരെ ഹൈക്കോടതിയുടെ സ്റ്റേ നിലനിൽക്കെ, ‘ദി കേരള സ്റ്റോറി 2’ എന്ന ചിത്രത്തിന്റെ ടിക്കറ്റ് ബുക്കിങ് ആരംഭിച്ചു. പശ്ചിമ ബംഗാളിലെ വിവിധ തിയേറ്ററുകളിലേക്കുള്ള ബുക്കിങ്ങാണ് ഓൺലൈൻ ടിക്കറ്റ് പ്ലാറ്റ്ഫോമായ ‘ബുക്ക് മൈ ഷോ’ വഴി ആരംഭിച്ചിരിക്കുന്നത്.(Bookings for ‘The Kerala Story 2’ begin despite High Court stay)
ചിത്രത്തിന്റെ റിലീസ് തടഞ്ഞുകൊണ്ട് ഹൈക്കോടതി ഉത്തരവിറക്കിയിരുന്നു. ഈ ഉത്തരവ് നിലനിൽക്കെത്തന്നെ ബുക്കിങ് തുടങ്ങിയത് വിവാദമാവുകയാണ്. ബംഗാളിലെ തിയേറ്ററുകളിലാണ് നിലവിൽ ബുക്കിങ് ലഭ്യമായിട്ടുള്ളത്.
കോടതിയുടെ വിലക്കുള്ള സാഹചര്യത്തിൽ സിനിമ പ്രദർശിപ്പിക്കുന്നത് കോടതിയലക്ഷ്യമാകുമോ എന്ന ചർച്ചകളും സിനിമാ ലോകത്ത് സജീവമായിട്ടുണ്ട്. ആദ്യ ഭാഗമായ ‘കേരള സ്റ്റോറി’ വലിയ രാഷ്ട്രീയ വിവാദങ്ങൾക്കും പ്രതിഷേധങ്ങൾക്കും കാരണമായിരുന്നു. അതിന്റെ തുടർച്ചയായി എത്തുന്ന രണ്ടാം ഭാഗവും റിലീസിന് മുൻപേ തന്നെ വാർത്തകളിൽ നിറഞ്ഞു നിൽക്കുകയാണ്.
