മുംബൈ: പ്രതിശ്രുത വരൻ കേതൻ അഗർവാളിനെ കൊലപ്പെടുത്തിയ കേസിൽ സിയ ഗോയലും കാമുകൻ ചേതൻ ചൗധരിയും അന്വേഷണ സംഘത്തെ വഴിതെറ്റിക്കാൻ ശ്രമിച്ചതായി പോലീസ്. കൊലപാതകത്തിന് ശേഷവും വിവാഹ ഒരുക്കങ്ങൾ തുടരുന്നതായി വരുത്തിത്തീർക്കാൻ സിയ ശ്രമിച്ചതിന്റെ ഡിജിറ്റൽ തെളിവുകൾ പുറത്തുവന്നു.(Siya Goyal and Chetan Chaudhary used fake wedding plans to hide Lohagad Fort murder)
കേതനെ കൊലപ്പെടുത്തിയ ശേഷം വിവാഹം നടക്കാൻ പോകുന്നതായി നാട്ടുകാരെയും സുഹൃത്തുക്കളെയും വിശ്വസിപ്പിക്കാൻ സിയ ആസൂത്രിതമായ ശ്രമം നടത്തിയിരുന്നു. കൊലപാതകത്തിന് പിന്നാലെ, ഒരു സുഹൃത്തിനോട് ഫ്ലൈറ്റ് ടിക്കറ്റ് ബുക്ക് ചെയ്യാനായി ആധാർ കാർഡ് ആവശ്യപ്പെട്ടുകൊണ്ടുള്ള സിയയുടെ സ്നാപ്ചാറ്റ് സന്ദേശമാണ് അന്വേഷണത്തിൽ കണ്ടെത്തിയത്. “നടക്കാൻ പോകാത്ത ഒരു വിവാഹത്തിനായി ടിക്കറ്റ് ബുക്ക് ചെയ്യാൻ നിന്റെ അയച്ചുതരുമോ?” എന്ന് സിയ ചോദിക്കുന്ന ചാറ്റാണ് പുറത്തുവന്നത്.
കൊലപാതകം ആരും സംശയിക്കാതിരിക്കാനും, താൻ സാധാരണ നിലയിൽ വിവാഹത്തിനായുള്ള മുന്നൊരുക്കങ്ങളിലാണെന്ന് പോലീസിനെ ബോധ്യപ്പെടുത്താനുമാണ് സിയ ഇത്തരമൊരു തന്ത്രം മെനഞ്ഞതെന്നാണ് അന്വേഷണ സംഘത്തിന്റെ നിഗമനം. ഈ ചാറ്റുകളുടെ ആധികാരികതയും കേസുമായുള്ള ബന്ധവും പോലീസ് വിശദമായി പരിശോധിച്ചുവരികയാണ്. നേരത്തെ, സൈൻ ലാംഗ്വേജും രഹസ്യ കോഡ് ഭാഷകളും ഉപയോഗിച്ച് ഇവർ ആശയവിനിമയം നടത്തിയതായും പോലീസ് കണ്ടെത്തിയിരുന്നു.
Story Summary
In the Lohagad Fort murder case, investigators uncovered evidence that accused Siya Goyal fabricated wedding plans after killing her fiance, Ketan Agarwal, to mislead police. The accused reportedly sent a Snapchat message asking a friend for an [Aadhaar Redacted] to book flight tickets, aiming to create a facade of normalcy. Police are currently probing whether this was a strategic move to cover up the murder conspiracy.
