കോഴിക്കോട്: പനി ബാധിച്ച് മെഡിക്കൽ കോളേജ് ആശുപത്രിയിൽ ചികിത്സയിലായിരുന്ന ആറുവയസ്സുകാരി മരിച്ചു (Kozhikode medical college fever death). കോഴിക്കോട് നടുവണ്ണൂര് കാവുന്തറ സ്വദേശികളായ പാലയാട്ട് ഷാജുവിന്റെയും റീനയുടെയും ഇളയ മകൾ ഇതൾ (6) ആണ് മരിച്ചത്. കോഴിക്കോട് മെഡിക്കൽ കോളേജ് ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിലിരിക്കെ വെള്ളിയാഴ്ച പുലർച്ചെയോടെയായിരുന്നു അന്ത്യം.
കഴിഞ്ഞ ശനിയാഴ്ചയാണ് കടുത്ത പനിയെ തുടർന്ന് കുട്ടിയെ താലൂക്ക് ആശുപത്രിയിൽ നിന്നും കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റിയത്. കാവുന്തറ എ.എൽ.പി സ്കൂളിലെ രണ്ടാം ക്ലാസ് വിദ്യാർത്ഥിനിയാണ് ഇതൾ. പഠനത്തിലും കലാ-കായിക രംഗങ്ങളിലും ഒരുപോലെ മികവ് പുലർത്തിയിരുന്ന ഇതളിന്റെ അപ്രതീക്ഷിത വേർപാട് സഹപാഠികളെയും അധ്യാപകരെയും നാടിനെയും ഒരുപോലെ കണ്ണീരിലാഴ്ത്തി.
പോസ്റ്റ്മോർട്ടം നടപടികൾക്ക് ശേഷം രാവിലെ ബന്ധുക്കൾക്ക് വിട്ടുനൽകിയ മൃതദേഹം രാവിലെ 10.30-ഓടെ കാവുന്തറയിലെ വീട്ടുവളപ്പിൽ വൻ ജനസഞ്ചയത്തിന്റെ സാന്നിധ്യത്തിൽ സംസ്കരിച്ചു.
Story Summary: A six-year-old schoolgirl named Ithal from Naduvannur in Kozhikode passed away due to severe fever while undergoing treatment at Kozhikode Medical College Hospital.
