കൊച്ചി: ശബരിമലയിലെ സ്വർണ്ണക്കൊള്ള കേസിൽ അന്വേഷണത്തിന്റെ അന്തിമ റിപ്പോർട്ട് ഉടൻ സമർപ്പിക്കാൻ പ്രത്യേക അന്വേഷണ സംഘത്തിന് ഹൈക്കോടതിയുടെ കർശന നിർദ്ദേശം. ശാസ്ത്രീയ പരിശോധനാ ഫലങ്ങൾ പൂർണ്ണമായി ലഭ്യമായ പശ്ചാത്തലത്തിലാണ് ഡിവിഷൻ ബെഞ്ചിന്റെ ഈ ഉത്തരവ്.(Sabarimala Gold Theft Case, Kerala High Court Directs SIT To File Final Report )
2025-ൽ ശബരിമലയിലെ ദ്വാരപാലക വിഗ്രഹത്തിന്റെ സ്വർണ്ണപ്പാളി കടത്താൻ ശ്രമിച്ചതുമായി ബന്ധപ്പെട്ട കേസിൽ ഇതുവരെ 54 പേരുടെ വിശദമായ മൊഴി രേഖപ്പെടുത്തിയതായി പ്രത്യേക അന്വേഷണ സംഘം ഹൈക്കോടതിയെ അറിയിച്ചു. കേസിൽ ലഭിച്ച ഡിജിറ്റൽ-ശാസ്ത്രീയ പരിശോധനാ ഫലങ്ങൾ വിശകലനം ചെയ്തതിൽ നിന്നും പ്രതികൾ കുറ്റകൃത്യം ആസൂത്രണം ചെയ്തതിന്റെയും നടപ്പിലാക്കിയതിന്റെയും കൃത്യമായ രീതി ബോധ്യപ്പെട്ടിട്ടുണ്ടെന്നും എസ്ഐടി കോടതിയിൽ വ്യക്തമാക്കി.
സ്വർണ്ണക്കൊള്ളയുമായി ബന്ധപ്പെട്ട ഗൂഢാലോചനയും ഇതിലൂടെ വ്യക്തമായിട്ടുണ്ട്. റിപ്പോർട്ട് ഉടൻ സമർപ്പിക്കണമെന്ന് വ്യക്തമാക്കിയ കോടതി, കേസ് വീണ്ടും പരിഗണിക്കുന്നതിനായി സെപ്റ്റംബർ 3-ലേക്ക് മാറ്റി.
Story Summary
The Kerala High Court has directed the Special Investigation Team to expedite and submit the final report on the Sabarimala gold theft case following the receipt of scientific test results. The SIT informed the court that statements from 54 individuals have been recorded regarding the 2025 attempt to smuggle the gold plating of the Dwarapala deity.
