തിരുവനന്തപുരം: വെമ്പായത്തെ ബാറിൽ മദ്യപസംഘങ്ങൾ തമ്മിലുണ്ടായ തർക്കത്തെ തുടർന്ന് പെട്രോളൊഴിച്ച് തീ കൊളുത്തിയ സംഭവത്തിൽ പൊള്ളലേറ്റ് ചികിത്സയിലായിരുന്ന യുവാവ് മരണപ്പെട്ടു. നവാസ് ആണ് ആശുപത്രിയിൽ ചികിത്സയിലിരിക്കെ മരണമടഞ്ഞത്.(Vembayam Bar Attack Victim Nawas Dies In Medical College Hospital)
സംഭവത്തിൽ 50 ശതമാനത്തിലേറെ പൊള്ളലേറ്റ് വെന്റിലേറ്ററിൽ കഴിയുന്ന അനീഷ് എന്ന യുവാവിന്റെ നില അതീവ ഗുരുതരമായി തുടരുകയാണ്. ഞായറാഴ്ച രാത്രി 9 മണിയോടെയാണ് വെമ്പായത്തെ റിസോർട്ട് ബാറിനുള്ളിൽ നാടിനെ നടുക്കിയ അക്രമസംഭവങ്ങൾ അരങ്ങേറിയത്.
അനീഷും നവാസും അടങ്ങുന്ന അഞ്ചംഗ സംഘം ബാറിലിരുന്ന് മദ്യപിക്കുന്നതിനിടെ പെട്ടെന്ന് വാക്കേറ്റവും തർക്കവുമുണ്ടാകുകയായിരുന്നു. ഇതിനിടയിൽ പ്രകോപിതനായ നവാസ് അനീഷിന്റെ മുഖത്തടിച്ചു. ഇതിലുള്ള കടുത്ത പകയിലാണ് അനീഷ് കന്നാസിൽ പെട്രോളുമായി ബാറിലേക്ക് മടങ്ങിയെത്തിയത്. തുടർന്ന് ഒപ്പമുണ്ടായിരുന്ന മറ്റുള്ളവരുടെ ദേഹത്തേക്ക് പെട്രോളൊഴിച്ച് ലൈറ്റർ ഉപയോഗിച്ച് തീ കൊളുത്തുകയായിരുന്നു.
Story Summary
A man named Nawas died at Hospital after being set on fire during a clash at a bar in Vembayam. The accused, Aneesh, who sustained over 50% burns after accidentally spilling petrol on himself while heavily intoxicated, remains in critical condition on a ventilator and faces attempt-to-murder charges.
