61-ാം വയസ്സിലും ഫിറ്റ്നസിൽ വിട്ടുവീഴ്ചയില്ലാത്ത മനോഭാവവുമായി പുണെ സ്വദേശിയായ ഒരമ്മ സമൂഹമാധ്യമങ്ങളിൽ താരമാകുന്നു. ശാരീരിക അസ്വസ്ഥതകൾ ഉണ്ടായിരുന്നിട്ടും ക്ലിനിക്കിൽ പോയതിന് ശേഷം ജിമ്മിൽ പോകാൻ നിർബന്ധം പിടിച്ച അമ്മയുടെ ദൃശ്യങ്ങൾ മകനാണ് സമൂഹമാധ്യമങ്ങളിൽ പങ്കുവെച്ചത് (Pune Woman Fitness). ഹരീഷ് താക്കൂർ എന്ന യുവാവാണ് തന്റെ അമ്മയുടെ ജിം പ്രേമത്തെക്കുറിച്ചും ഫിറ്റ്നസ് യാത്രയെക്കുറിച്ചും ഇൻസ്റ്റാഗ്രാമിലൂടെ ലോകത്തെ അറിയിച്ചത്.
കഴിഞ്ഞ വർഷം പ്രീ-ഡയബറ്റിക് അവസ്ഥയിലാണെന്ന് ഡോക്ടർമാർ കണ്ടെത്തിയതോടെയാണ് ഹരീഷ് അമ്മയെ വ്യായാമം ചെയ്യാൻ നിർബന്ധിതയാക്കിയത്. തുടക്കത്തിൽ ഒട്ടും താല്പര്യമില്ലാതിരുന്ന അമ്മ പിന്നീട് ഫിറ്റ്നസിനെ ജീവിതത്തിന്റെ ഭാഗമാക്കുകയായിരുന്നു. ഇതിന്റെ ഫലമായി ഒരു വർഷത്തിനുള്ളിൽ 18 കിലോ ഭാരം കുറയ്ക്കാനും പ്രീ-ഡയബറ്റിക് അവസ്ഥയിൽ നിന്ന് പൂർണ്ണമായും മോചനം നേടാനും അവർക്ക് സാധിച്ചു. ഇപ്പോൾ വ്യായാമം ഒരു ലഹരിയായി മാറിയെന്ന് മകൻ പറയുന്നു.
കഴിഞ്ഞ ദിവസം രക്തസമ്മർദ്ദവുമായി ബന്ധപ്പെട്ട അസ്വസ്ഥതകൾ ഉണ്ടായിരുന്നിട്ടും ജിമ്മിൽ പോകണമെന്ന വാശിയിൽ അവർ ഉറച്ചുനിൽക്കുകയായിരുന്നു. ക്ലിനിക്കിലേക്ക് പോകുമ്പോൾ തന്നെ അവർ ജിം ബാഗും കരുതിയിരുന്നു. വ്യായാമം ഒഴിവാക്കാൻ മകൻ ഉപദേശിച്ചെങ്കിലും അതൊന്നും കേൾക്കാൻ അവർ തയ്യാറായില്ല. ഡോക്ടറെ കണ്ടതിന് ശേഷം ഒരു മണിക്കൂറോളം അവർ ജിമ്മിൽ വർക്ക്ഔട്ട് ചെയ്തു. എന്തായാലും, 61-ാം വയസ്സിലെ ഈ അസാമാന്യമായ നിശ്ചയദാർഢ്യം നിരവധി പേർക്കാണ് പ്രചോദനമാകുന്നത്.
Summary: A 61-year-old woman from Pune has gone viral on social media for her unwavering dedication to fitness, insisting on a full hour of gym training immediately after visiting a clinic for health issues. Her son, Harish Thakur, shared that she successfully lost 18 kg and overcame a pre-diabetic condition through consistent exercise, which has now become her passionate daily routine.
