പൂനെ ബിസിനസുകാരൻ കേതൻ അഗർവാളിനെ കൊലപ്പെടുത്തിയ കേസിൽ നിർണ്ണായക വെളിപ്പെടുത്തലുമായി പോലീസ്. പ്രതിയായ കാമുകി സിയ ഗോയൽ, സോനം രഘുവംശി നടത്തിയ കൊലപാതകത്തെക്കുറിച്ച് ഓൺലൈനിൽ വിശദമായി പഠിച്ചാണ് കേതന്റെ കൊലപാതകം ആസൂത്രണം ചെയ്തതെന്ന് അന്വേഷണസംഘം കണ്ടെത്തി (Ketan Agarwal Murder). സോനം രഘുവംശി നടത്തിയ കൊലപാതകത്തിലെ പാളിച്ചകൾ മനസ്സിലാക്കി, കൂടുതൽ കൃത്യതയോടെയും മികച്ച അലിബികളോടെയുമാണ് സിയയും കാമുകൻ ചേതൻ ചൗധരിയും പദ്ധതി നടപ്പിലാക്കിയത്.
കേതനെ മലമുകളിൽ നിന്ന് തള്ളിയിടാനായിരുന്നു തീരുമാനം. തനിച്ചാണെങ്കിൽ കേതനെ തള്ളിയിടാൻ സിയയ്ക്ക് ശക്തി തികയില്ലെന്ന് മനസ്സിലാക്കിയാണ് കാമുകൻ ചേതനെയും ഒപ്പം കൂട്ടി ഇരുവരും ചേർന്ന് തള്ളിയിട്ടത്. കേതന്റെ മരണം അപകടമാണെന്ന് വരുത്തിത്തീർക്കാൻ ഇവർ ശ്രമിച്ചെങ്കിലും ലോഹഗഡ് കോട്ടയിലെ സ്ഥലം അത്ര അപകടകരമല്ലെന്ന് പോലീസിന് നേരത്തെ തന്നെ സംശയമുണ്ടായിരുന്നു. സിയയുടെ ഫോൺ പരിശോധിച്ചതിൽ നിന്ന് സോനം രഘുവംശി കേസ് വാർത്തകളും, പോലീസ് കസ്റ്റഡിയിലെ സ്ത്രീകളുടെ അവകാശങ്ങളെക്കുറിച്ചും ഇവർ തിരഞ്ഞതായി കണ്ടെത്തിയിട്ടുണ്ട്.
കൊലപാതകം നടന്നിട്ടും പ്രതികളായ സിയയും ചേതനും യാതൊരുവിധ കുറ്റബോധവും പ്രകടിപ്പിച്ചിട്ടില്ലെന്ന് പോലീസ് വ്യക്തമാക്കുന്നു. വ്യക്തിപരമായ കാരണങ്ങളും കുടുംബ-സാമൂഹിക സമ്മർദ്ദങ്ങളും സിയയെ ഈ കൊലപാതകത്തിലേക്ക് നയിച്ചെന്നാണ് പ്രാഥമിക നിഗമനം. കേസിൽ സിയയുടെ വീട്ടിൽ നിന്ന് പിടിച്ചെടുത്ത രണ്ടാമത്തെ മൊബൈൽ ഫോൺ ഫോറൻസിക് പരിശോധനയ്ക്കായി അയച്ചിരിക്കുകയാണ്. സോനം രഘുവംശി നിലവിൽ ജാമ്യത്തിൽ പുറത്തിറങ്ങിയത് സമാനമായ കുറ്റകൃത്യങ്ങൾ ചെയ്യുന്നവർക്ക് ധൈര്യം നൽകുന്നുണ്ടെന്ന് കൊല്ലപ്പെട്ട രാജ രഘുവംശിയുടെ അമ്മ ഉമ രഘുവംശി പ്രതികരിച്ചു.
Summary: Investigators in the murder of Pune businessman Ketan Agarwal have revealed that his fiancee, Siya Goyal, and her accomplice, Chetan Chaudhary, meticulously planned the crime by studying the flaws in the infamous Raja Raghuvanshi murder case orchestrated by Sonam Raghuvanshi. The police discovered that Siya researched police interrogation techniques and female prisoners’ rights online to build stronger alibis. Unlike previous cases, the duo ensured they acted together to push the victim off a cliff, demonstrating a cold-blooded intention to escape detection. Both suspects remain remorseless, while the police await further forensic evidence from a second seized mobile phone.
