വാഷിംഗ്ടൺ: ലോകത്തെ ഏറ്റവും തന്ത്രപ്രധാനമായ എണ്ണക്കടത്തു പാതകളിലൊന്നായ ഹോർമുസ് കടലിടുക്കിൽ എണ്ണക്കപ്പലിന് നേരെ വീണ്ടും മിസൈലാക്രമണം. ഒമാൻ തീരത്തിന് സമീപം സഞ്ചരിക്കുകയായിരുന്ന കപ്പലിന് നേരെയാണ് ആക്രമണമുണ്ടായതെന്നും ഇതേത്തുടർന്ന് കപ്പലിന് തീപിടിച്ചതായും ബ്രിട്ടീഷ് മറൈൻ അതോറിറ്റി അറിയിച്ചു.(Oil Tanker Attacked In Strait Of Hormuz US Plans Retaliation Against Iran)
ഒമാനിലെ ലിമയ്ക്ക് സമീപം തെക്കോട്ട് സഞ്ചരിക്കുകയായിരുന്ന ടാങ്കറിന്റെ ഒരു വശത്താണ് അജ്ഞാത പ്രൊജക്റ്റൈൽ വന്ന് പതിച്ചത്. സംഭവത്തിൽ ആർക്കും പരിക്കേറ്റിട്ടില്ലെന്നും എണ്ണച്ചോർച്ചയോ മറ്റ് പരിസ്ഥിതി മലിനീകരണമോ ഉണ്ടായിട്ടില്ലെന്നും അധികൃതർ വ്യക്തമാക്കി.
ആക്രമണത്തിന് പിന്നിൽ ഇറാൻ സൈന്യമാണെന്ന് യു.എസ് ഉദ്യോഗസ്ഥരെ ഉദ്ധരിച്ച് അന്താരാഷ്ട്ര മാധ്യമം റിപ്പോർട്ട് ചെയ്തു. തിങ്കളാഴ്ച രാത്രി ഹോർമുസ് കടലിടുക്കിലൂടെ കടന്നുപോയ രണ്ട് വാണിജ്യ കപ്പലുകൾക്ക് നേരെ ഇറാൻ കുറഞ്ഞത് രണ്ട് മിസൈലുകളെങ്കിലും തൊടുത്തതായാണ് യു.എസ് വൃത്തങ്ങൾ നൽകുന്ന സൂചന. ആക്രമണത്തിൽ രണ്ട് കപ്പലുകൾക്കും വലിയ നാശനഷ്ടം സംഭവിച്ചിട്ടുണ്ട്. ഹോർമുസ് കടലിടുക്കിലൂടെയുള്ള കപ്പൽ ഗതാഗതം താൽക്കാലികമായി നിർത്തിവെക്കാൻ അമേരിക്കയും ഇറാനും തമ്മിൽ ഉണ്ടാക്കിയ ഒരാഴ്ചത്തെ ധാരണ അവസാനിച്ചതിന് തൊട്ടുപിന്നാലെയാണ് ഈ ആക്രമണം.
Story Summary
An oil tanker caught fire after being struck by an Iranian missile in the strategic Strait of Hormuz off the coast of Oman, following the expiration of a one-week temporary ceasefire. US officials confirmed that Iran fired at least two missiles at commercial vessels, causing significant damage but no casualties. Washington is now considering retaliatory military strikes against Iranian targets, renewing global energy security concerns.
