കൊച്ചി: ആധുനിക കാലത്തെ ഉപഭോക്താക്കൾക്കിടയിൽ ആരോഗ്യകരമായ ഭക്ഷണശീലങ്ങൾ പ്രോത്സാഹിപ്പിക്കുന്നതിന്റെ ഭാഗമായി പ്രമുഖ ഭക്ഷ്യ ബ്രാൻഡായ വിപ്രോ കൺസ്യൂമർ കെയർ ആൻഡ് ലൈറ്റിംഗിന്റെ വിപ്രോ ബ്രാഹ്മിൻസ് (Wipro Brahmins Millet Products Launch Kerala,) ആറ് തരം മില്ലറ്റ് (ചെറുധാന്യങ്ങൾ) ഉത്പന്നങ്ങൾ വിപണിയിലെത്തിച്ചു. മില്ലറ്റുകളുടെ തനതായ പോഷകഗുണങ്ങൾ ഒട്ടും ചോർന്നുപോകാതെ നിലനിർത്തുന്നതിനൊപ്പം ഉപഭോക്താക്കൾക്ക് സ്വാദിഷ്ടമായ ഭക്ഷണാനുഭവം ഉറപ്പാക്കുന്നതിനായി പ്രത്യേകം വികസിപ്പിച്ചെടുത്ത റോസ്റ്റിംഗ് പ്രക്രിയയാണ് (Special Roasting Process) ഈ പുതിയ ഉത്പന്നങ്ങളുടെ പ്രധാന സവിശേഷത.
ഫോക്സ്ടെയിൽ (തിന), ലിറ്റിൽ മില്ലറ്റ് (ചാമ), ബ്രൗൺടോപ്പ്, ബാർൺയാർഡ് (കുതിരവാലി), കോഡോ (വരക്), പ്രോസോ (പനിവരക്) എന്നീ ആറ് മികച്ചയിനം മില്ലറ്റുകളാണ് വിപ്രോ ബ്രാഹ്മിൻസിന്റെ പുതിയ പോർട്ട്ഫോളിയോയിൽ ഉൾപ്പെടുത്തിയിരിക്കുന്നത്.
പൂർണ്ണമായും ഗ്ലൂട്ടൻ രഹിതവും (Gluten-free) ശരീരത്തിന് ആവശ്യമായ നാരുകളും പ്രോട്ടീനും വൻതോതിൽ അടങ്ങിയതുമായ ഈ ചെറുധാന്യങ്ങൾ ബിരിയാണി, അപ്പം, പായസം, ഉപ്പുമാവ് തുടങ്ങി നിത്യേന നമ്മൾ തയ്യാറാക്കുന്ന പരമ്പരാഗത വിഭവങ്ങൾ ഉണ്ടാക്കാൻ ഏറെ അനുയോജ്യമാണ്. വിപണിയിൽ 500 ഗ്രാം പാക്കറ്റിന് 149 രൂപയാണ് വില നിശ്ചയിച്ചിരിക്കുന്നത്. നിലവിൽ കേരളത്തിലെയും കർണാടകത്തിലെയും പ്രധാന സൂപ്പർമാർക്കറ്റുകളിലും പ്രമുഖ ക്വിക്ക് കൊമേഴ്സ് പ്ലാറ്റ്ഫോമായ സ്വിഗ്ഗി ഇൻസ്റ്റാമർട്ടിലും (Swiggy Instamart) ലഭ്യമായ ഈ ഉത്പന്നങ്ങൾ വരും ദിവസങ്ങളിൽ മറ്റ് പ്രമുഖ ഇ-കൊമേഴ്സ് പ്ലാറ്റ്ഫോമുകളിലേക്കും രാജ്യവ്യാപകമായി വ്യാപിപ്പിക്കാൻ കമ്പനിക്ക് പദ്ധതിയുണ്ട്.
പുതിയ ബ്രാഹ്മിൺസ് മില്ലറ്റ്സ് ശ്രേണിയിലൂടെ ഇക്കാലത്തെ ആരോഗ്യ ബോധമുള്ള ഉപഭോക്താക്കൾക്കായി പരമ്പരാഗത പാചകരീതിയെ വികസിച്ചുകൊണ്ടിരിക്കുന്ന അവരുടെ ആധുനിക മുൻഗണനകളുമായി കൃത്യമായി യോജിപ്പിക്കുന്ന രീതിയിലാണ് ഉൽപ്പന്നങ്ങൾ വികസിപ്പിച്ചിരിക്കുന്നതെന്ന് വിപ്രോ ഫുഡ്സ് പ്രസിഡന്റ് അനിൽ ചുഗ് പറഞ്ഞു. ദൈനംദിന പാചകത്തിന് ആവശ്യമായ സൗകര്യത്തോടൊപ്പം ഉപഭോക്താക്കൾക്ക് സ്ഥിരമായ ഗുണനിലവാരവും മികച്ച ആരോഗ്യവും നൽകുന്നതിനാണ് ഈ ശ്രേണി പ്രത്യേകം രൂപകൽപ്പന ചെയ്തിരിക്കുന്നതെന്ന് വിപ്രോ ഫുഡ്സിൻ്റെ ബ്രാഹ്മിൺസ് ആൻഡ് നിറപറ ബിസിനസ് ഹെഡ് സണ്ണി തോമസും വ്യക്തമാക്കി. കേടുപാടുകൾ കൂടാതെ 365 ദിവസത്തെ ദീർഘകാല ഷെൽഫ് ലൈഫ് (Shelf Life) ഉറപ്പുനൽകുന്ന അത്യാധുനിക പാക്കേജിംഗിലാണ് ഇവ വിപണിയിലെത്തിയിരിക്കുന്നത്.
Story Summary:
Wipro Consumer Care and Lighting’s Wipro Brahmins has launched a new portfolio of six multi-purpose millet variants: Foxtail, Little, Browntop, Barnyard, Kodo, and Proso. Developed using a special roasting process to enhance taste while retaining nutritional value, these gluten-free millets are rich in fiber and protein, suitable for daily dishes like biryani, appam, and payasam. Anil Chugh, President of Wipro Foods, and Sunny Thomas, Business Head of Brahmins & Nirapara, stated that the brand aims to blend traditional cooking with modern health preferences. The 500g packs are priced at ₹149 and are currently available in Kerala and Karnataka via retail stores and Swiggy Instamart.
