ചെന്നൈ: തമിഴ്നാട്ടിൽ ഇനി പൊതുജനങ്ങൾക്ക് എസി ബസുകൾ മാത്രം. പൊതുജനങ്ങൾക്ക് സുഖകരമായ യാത്രാ സൗകര്യം ഉറപ്പാക്കുക എന്ന ലക്ഷ്യത്തോടെയാണ് പുതിയ തീരുമാനം. എല്ലാ ഉൾനാടൻ പ്രദേശങ്ങളെയും ബസ് ശൃംഖല വഴി പരസ്പരം ബന്ധിപ്പിക്കാനും, സാധാരണക്കാർക്ക് പോലും എസി ബസുകളിൽ യാത്ര ചെയ്യാനുള്ള സൗകര്യം ഒരുക്കാനുമാണ് സർക്കാർ ഉദ്ദേശിക്കുന്നത്.(Tamil Nadu AC buses, Tamil Nadu Government To Procure Only AC Buses Under CM Vijay)
അടുത്തിടെ ഒരു സർക്കാർ ബസിൽ നടത്തിയ യാത്രയ്ക്ക് ശേഷമാണ്, പുതിയതായി വാങ്ങുന്ന വാഹനങ്ങളെല്ലാം എസി സൗകര്യത്തോടു കൂടിയായിരിക്കണമെന്ന് മുഖ്യമന്ത്രി വിജയ് നിർദ്ദേശിച്ചത്. സാധാരണക്കാർക്ക് പോലും താങ്ങാനാവുന്ന നിരക്കിൽ ആഡംബര യാത്ര ഉറപ്പാക്കുക എന്നതാണ് സർക്കാരിന്റെ നയം.
കഴിഞ്ഞയാഴ്ച 300 പുതിയ ബസുകൾ മുഖ്യമന്ത്രി ഫ്ലാഗ് ഓഫ് ചെയ്തിരുന്നു. 127.21 കോടി രൂപ ചെലവഴിച്ചാണ് ഇവ വാങ്ങിയത്. ഇതിൽ 164 ഡീസൽ ബസുകളും 136 ബിഎസ്-VI (BS-VI) നിലവാരത്തിലുള്ള സിഎൻജി (CNG) ബസുകളും ഉൾപ്പെടുന്നു. കോയമ്പേട്, കിലമ്പാക്കം തുടങ്ങിയ പ്രധാന ട്രാൻസിറ്റ് ഹബ്ബുകളിൽ നിന്ന് ഈ ബസുകൾ ഇതിനകം സർവീസ് ആരംഭിച്ചിട്ടുണ്ട്. സംസ്ഥാനത്തെ പൊതുഗതാഗത സംവിധാനം ആധുനികവൽക്കരിക്കുന്നതിനും യാത്രക്കാരുടെ കാത്തിരിപ്പ് സമയം കുറയ്ക്കുന്നതിനുമാണ് ടിവികെ (TVK) സർക്കാർ മുൻഗണന നൽകുന്നത്.
Story Summary
Tamil Nadu Chief Minister Vijay has announced a policy shift stating that the state will henceforth procure only air-conditioned buses to ensure comfortable and affordable travel for the public. This initiative, part of the TVK government’s modernization goal for public transport, follows the recent induction of 300 new buses and aims to improve connectivity across all remote regions of the state.
