ചെന്നൈ : രാഷ്ട്രീയ പ്രവേശനത്തെക്കുറിച്ചുള്ള അഭ്യൂഹങ്ങൾക്ക് വിരാമമിട്ട് തമിഴ് സൂപ്പർതാരം സൂര്യ. താൻ രാഷ്ട്രീയത്തിലേക്ക് കടന്നുവരാൻ ഉദ്ദേശിക്കുന്നില്ലെന്നും ഇത്തരം വാർത്തകൾ തികച്ചും അടിസ്ഥാനരഹിതമാണെന്നും താരം ഔദ്യോഗികമായി വ്യക്തമാക്കി.(Actor Suriya Denies Political Entry Rumors )
സിനിമയിലും സാമൂഹിക സേവനത്തിലുമായി ശ്രദ്ധ കേന്ദ്രീകരിക്കാനാണ് താൻ ആഗ്രഹിക്കുന്നതെന്നും, തന്റെ തത്വങ്ങൾക്കും നിലപാടുകൾക്കും വിരുദ്ധമാണ് രാഷ്ട്രീയ പ്രവേശനം എന്നും സൂര്യ വ്യക്തമാക്കി. കഴിഞ്ഞ കുറച്ചു ദിവസങ്ങളായി സൂര്യയുടെ രാഷ്ട്രീയ പ്രവേശനത്തെക്കുറിച്ച് സമൂഹമാധ്യമങ്ങളിലും മറ്റും വലിയ ചർച്ചകൾ നടന്നിരുന്നു.
എന്നാൽ, പുറത്തിറക്കിയ ഔദ്യോഗിക പ്രസ്താവനയോടെയാണ് ഈ അഭ്യൂഹങ്ങൾക്ക് പൂർണ്ണവിരാമമായത്. സിനിമയും ‘അഗരം’ വഴിയുള്ള സാമൂഹിക പ്രവർത്തനങ്ങളും നൽകുന്ന സംതൃപ്തിയാണ് തന്റെ ജീവിതത്തിലെ ഏറ്റവും വലിയ വിജയമെന്നും താരം ഇതിനു മുൻപും വ്യക്തമാക്കിയിട്ടുണ്ട്.
Story Summary
Actor Suriya has officially put an end to ongoing media speculation by confirming that he has no intention of entering politics. He clarified that such rumors are false and stated that his current focus remains solely on his film career and social work through his Agaram Foundation.
