ന്യൂഡൽഹി: ആർ. രാജഗോപാലിന്റെ പേര് വോട്ടർ പട്ടികയിൽ നിന്ന് നീക്കം ചെയ്തതിനും, തുടർന്ന് പാസ്പോർട്ട് പുതുക്കാൻ അനുവദിക്കാത്തതിനും എതിരെ എഡിറ്റേഴ്സ് ഗിൽഡ് ഓഫ് ഇന്ത്യ ശക്തമായി പ്രതിഷേധിച്ചു. ഞായറാഴ്ച പുറത്തിറക്കിയ പ്രസ്താവനയിലൂടെയാണ് ഇവർ ഈ വിഷയത്തിൽ നിലപാട് വ്യക്തമാക്കിയത്.(Editors Guild of India Demands Restoration of R Rajagopal Voting Rights and Passport)
രാജഗോപാലിന്റെ വോട്ടവകാശം അടിയന്തരമായി പുനഃസ്ഥാപിക്കണമെന്നും, പാസ്പോർട്ട് സംബന്ധമായ തടസ്സങ്ങൾ നീക്കണമെന്നും എഡിറ്റേഴ്സ് ഗിൽഡ് പ്രസിഡന്റ്, ജനറൽ സെക്രട്ടറി, ട്രഷറർ എന്നിവർ ആവശ്യപ്പെട്ടു. പാസ്പോർട്ട് പുതുക്കാൻ കഴിയാത്ത അവസ്ഥയിലാണ് രാജഗോപാൽ.
കൊൽക്കത്ത പോലീസ് നൽകിയ ‘നെഗറ്റീവ് റിപ്പോർട്ട്’ ആണ് ഇതിന് കാരണമായി ഉദ്യോഗസ്ഥർ ചൂണ്ടിക്കാട്ടുന്നത്. വോട്ടർ പട്ടികയിൽ പേരില്ലാത്തതാണ് പോലീസ് വെരിഫിക്കേഷൻ തടസ്സപ്പെടാൻ കാരണമായി പറയുന്നത്. മുതിർന്ന മാധ്യമപ്രവർത്തകനോട് ഭരണകൂടം കാണിക്കുന്ന ഈ സമീപനം ദൗർഭാഗ്യകരമാണെന്ന് ഇ ജി ഐ കുറ്റപ്പെടുത്തി.
Story Summary
The Editors Guild of India has strongly condemned the disenfranchisement and passport renewal denial of R. Rajagopal, citing bureaucratic negligence. The Guild has demanded that the Election Commission immediately restore his voting rights and urged authorities to rectify the issues faced by him and numerous other citizens due to electoral roll revisions.
