ചൈനയിലെ സിചുവാൻ പ്രവിശ്യയിൽ നിന്ന് പുറത്തുവന്ന ഒരു വീഡിയോ സോഷ്യൽ മീഡിയയിൽ വലിയ ചർച്ചയാകുന്നു. വഴിയോരത്ത് മുട്ടുകുത്തി നിന്ന് ഭിക്ഷ യാചിക്കുന്ന ഒരു ഹ്യൂമനോയിഡ് റോബോട്ടിന്റെ ദൃശ്യങ്ങളാണ് ഇപ്പോൾ വൈറലായിരിക്കുന്നത് ( Humanoid Robot Begging). ‘റീചാർജ് ചെയ്യാൻ പണമില്ല’ എന്നും ‘വൈദ്യുതി ബില്ലടക്കാൻ സഹായിക്കണേ’ എന്നും ഉച്ചഭാഷിണിയിലൂടെ വിളിച്ചു പറയുന്ന റോബോട്ടിന് മുന്നിൽ സഹായം തേടാൻ ഒരു ചെറിയ പാത്രവും ഡിജിറ്റൽ പണമിടപാടിനായുള്ള ക്യൂആർ കോഡും വെച്ചിട്ടുണ്ട്.
China’s got humanoid robots roaming the streets begging for donations to pay their “electricity bill.”
Complete with speaker, tray, and QR code.
Is it moving to California? Perfect training for life there. pic.twitter.com/9VTuxwkkcw
— Andrew Alvarez (@theOGalv) June 16, 2026
ചൈനീസ് കമ്പനിയായ യൂണിട്രീ നിർമ്മിച്ച ‘യൂണിട്രീ ജി1’എന്ന ഹ്യൂമനോയിഡ് റോബോട്ടാണ് ഇതെന്നാണ് റിപ്പോർട്ടുകൾ. ഏതാനും മാസങ്ങൾക്ക് മുൻപ് ഇക്വഡോറിലെ ചിംബോറാസോ അഗ്നിപർവ്വതം കീഴടക്കി വാർത്തകളിൽ ഇടംപിടിച്ച അതേ കമ്പനിയുടെ മോഡലാണിത്. ബെയ്ജിംഗ്, ചെങ്ഡു, ഫുഷോ തുടങ്ങിയ നഗരങ്ങളിലും സമാനമായ രീതിയിൽ ഇത്തരം ‘റോബോട്ട് ഭിക്ഷാടകരെ’ കണ്ടതായി റിപ്പോർട്ടുകളുണ്ട്. ഇതൊരു മാർക്കറ്റിംഗ് തന്ത്രമാണോ അതോ കലാരൂപമാണോ എന്ന് വ്യക്തമല്ലെങ്കിലും, ‘ഭിക്ഷാടകരെ പോലും റോബോട്ടുകൾ പകരം വെക്കുകയാണോ’ എന്ന പരിഹാസമാണ് സോഷ്യൽ മീഡിയയിൽ ഉയരുന്നത്.
Summary: A viral video from China’s Sichuan province shows a Unitree G1 humanoid robot kneeling on a sidewalk, ‘begging’ for spare change to pay its electricity bill. Equipped with an LED sign and a loudspeaker, the robot has been spotted in several major Chinese cities, sparking widespread debate about whether this is a clever marketing stunt, performance art, or a glimpse into a bizarre future where even beggars are replaced by AI.
