ലോസ് ഏഞ്ചൽസിൽ നടന്ന ഫിഫ ലോകകപ്പ് 2026 മത്സരങ്ങൾക്ക് ശേഷം ഇറാൻ ഫുട്ബോൾ ടീം പങ്കുവെച്ച ലോക്കർ റൂം കുറിപ്പ് കായിക ലോകത്ത് വലിയ ശ്രദ്ധ നേടുന്നു. ടീം പങ്കുവെച്ച വൈകാരികമായ ഈ സന്ദേശം ദേശീയ അഭിമാനം, ഓർമ്മപ്പെടുത്തൽ, ആഗോള ഐക്യം എന്നിവയ്ക്ക് വലിയ പ്രാധാന്യം നൽകുന്നു (Iran Football Team Message). ഫെബ്രുവരിയിൽ മിനാബിലെ ഒരു സ്കൂളിനു നേരെയുണ്ടായ മിസൈൽ ആക്രമണത്തിൽ കൊല്ലപ്പെട്ട 168 പേർക്ക് ആദരാഞ്ജലികൾ അർപ്പിച്ചുകൊണ്ടാണ് താരങ്ങൾ ഈ കുറിപ്പ് പങ്കുവെച്ചത്. സോഫി സ്റ്റേഡിയത്തിൽ നടന്ന മത്സരങ്ങളിൽ ആരാധകർ ‘മിനാബ് 168’ എന്ന് രേഖപ്പെടുത്തിയ ബാനറുകളും ജേഴ്സികളും ധരിച്ച് എത്തിയത് വലിയ വാർത്തയായിരുന്നു.
“ആയിരക്കണക്കിന് വർഷങ്ങൾ പഴക്കമുള്ള പുരാതന ഇറാനിൽ നിന്ന് ഇന്നത്തെ പരിഷ്കൃത ഇറാനിലേക്ക് എത്തുമ്പോൾ, ഇറാൻ എന്ന വികാരം ഇന്നും സജീവമായി തുടരുന്നു. ഞങ്ങൾ അഭിമാനത്തോടെയാണ് ലോസ് ഏഞ്ചൽസിലേക്ക് വന്നത്, വീര്യത്തോടെ മത്സരിച്ചു, മാന്യതയോടെ ഈ നഗരത്തിൽ നിന്ന് മടങ്ങുന്നു,” താരങ്ങൾ കുറിച്ചു. തങ്ങളെ സ്വീകരിച്ച ലോസ് ഏഞ്ചൽസ് നഗരത്തോടും, മത്സരവേളയിൽ തങ്ങൾക്കൊപ്പം നിന്ന മുഴുവൻ ഇറാനിയൻ ജനതയോടും ടീം നന്ദി രേഖപ്പെടുത്തി. ലോകത്തെ എല്ലാ രാജ്യങ്ങൾക്കിടയിലും സമാധാനവും ബഹുമാനവും സൗഹൃദവും നിലനിൽക്കണമെന്ന ആഗ്രഹത്തോടെയാണ് ടീം തങ്ങളുടെ സന്ദേശം അവസാനിപ്പിച്ചത്.
⚽️ پیام ویژه تیم ملی در رختکن به ایرانیان و مردم سراسر جهان
🔸 ملیپوشان با #١۶٨ بار دیگر در لس آنجلس یاد شهدای مظلوم میناب را زنده کردند و نوشتند:
از ایران باستانِ چند هزار ساله تا ایرانِ متمدنِ امروز، روح ایران زنده و استوار مانده است.
با افتخار به لسآنجلس آمدیم، با… pic.twitter.com/lHEVJVh2cO
— Iran Embassy in Australia (@IraninAustralia) June 22, 2026
ഇറാൻ വിദേശകാര്യ മന്ത്രി സയ്യിദ് അബ്ബാസ് അരഗ്ചി എക്സിൽ കുറിച്ചത് ഇങ്ങനെയാണ്: “ഫുട്ബോൾ മൈതാനം മുതൽ ചർച്ചാ മേശ വരെയും യുദ്ധക്കളം വരെയും, ഇറാനിയൻ എന്ന നിലയിൽ നമ്മൾ വെക്കുന്ന ഓരോ ചുവടും നമ്മുടെ പ്രിയപ്പെട്ട ജനങ്ങളുടെ അന്തസ്സ് കാത്തുസൂക്ഷിക്കുന്നതിനായുള്ള വലിയൊരു പോരാട്ടത്തിന്റെ ഭാഗമാണ്.” ജൂൺ 16-ന് ന്യൂസിലാൻഡിനെതിരെ സമനിലയിൽ പിരിഞ്ഞ ഇറാൻ, ജൂൺ 21-ന് ബെൽജിയവുമായുള്ള മത്സരവും ഗോൾരഹിതമായി അവസാനിപ്പിച്ചു. ജൂൺ 27-ന് ഈജിപ്തുമായാണ് ഇറാൻ തങ്ങളുടെ അവസാന ഗ്രൂപ്പ് മത്സരത്തിൽ ഏറ്റുമുട്ടുന്നത്.
Summary: The Iranian national football team has captured hearts worldwide with an emotional locker-room message shared after their FIFA World Cup 2026 matches in Los Angeles. The squad honored the 168 victims of the February 2026 missile strike in Minab and called for global unity, peace, and friendship.
