തിരുവള്ളൂർ: തമിഴ്നാട്ടിലെ തിരുവള്ളൂർ പെരിയപാളയത്തുള്ള ‘സെന്റ് പീറ്റേഴ്സ് പോൾ സീ ഫുഡ് എക്സ്പോർട്സ്’ കമ്പനിയിൽ ഉണ്ടായ അമോണിയ വാതക ചോർച്ചയിൽ ഏഴ് തൊഴിലാളികൾ ദാരുണമായി മരണപ്പെട്ടു (Tiruvallur Ammonia Leak). മരണപ്പെട്ടവരെല്ലാം സ്ത്രീകളാണ്. അപകടത്തിൽപ്പെട്ട 64 ഓളം തൊഴിലാളികളെ ചെന്നൈ സ്റ്റാൻലി മെഡിക്കൽ കോളേജിൽ പ്രവേശിപ്പിച്ചിരിക്കുകയാണ്. ഇതിൽ 23 പേർ തീവ്രപരിചരണ വിഭാഗത്തിൽ ചികിത്സയിലാണ്. മരണസംഖ്യ ഇനിയും ഉയരാൻ സാധ്യതയുണ്ടെന്ന് ആശുപത്രി അധികൃതർ അറിയിച്ചു.
സംഭവത്തിൽ അടിയന്തര അന്വേഷണം നടത്താൻ മുഖ്യമന്ത്രി സി. ജോസഫ് വിജയ് ഉത്തരവിട്ടു. മൂന്നംഗ സമിതിയെ അന്വേഷണത്തിനായി ചുമതലപ്പെടുത്തിയിട്ടുണ്ട്. 24 മണിക്കൂറിനുള്ളിൽ അന്വേഷണ റിപ്പോർട്ട് സമർപ്പിക്കണമെന്നാണ് മുഖ്യമന്ത്രിയുടെ നിർദ്ദേശം. കൂടാതെ, ദുരന്തത്തിൽ മരണപ്പെട്ടവരുടെ കുടുംബങ്ങൾക്ക് അടിയന്തര ധനസഹായമായി 2 ലക്ഷം രൂപ വീതം മുഖ്യമന്ത്രി പ്രഖ്യാപിച്ചു. ദേശീയ ദുരന്തനിവാരണ സേന സ്ഥലത്തെത്തി സുരക്ഷാ പരിശോധനകൾ നടത്തിവരികയാണ്. മത്സ്യ സംസ്കരണത്തിനായി ഉപയോഗിച്ചിരുന്ന അമോണിയം ടാങ്കുകളിൽ നിന്നാണ് ചോർച്ചയുണ്ടായതെന്നാണ് പ്രാഥമിക നിഗമനം.
Summary: Seven female workers have died following an ammonia gas leak at St. Peter’s Paul Seafoods Exports in Periyapalayam, Tiruvallur. Over 60 people were rushed to Stanley Medical College Hospital, Chennai, with 23 currently in the intensive care unit. Chief Minister C. Joseph Vijay has ordered a high-level inquiry by a three-member committee, to be completed within 24 hours.
