മെക്സിക്കോ സിറ്റി : 2026 ഫിഫ ലോകകപ്പിൽ ഗ്രൂപ്പ് എ-യിൽ നിന്നും പ്രീക്വാർട്ടർ ഉറപ്പിക്കുന്ന ആദ്യ ടീമായി മെക്സിക്കോ. ഗ്വാഡലജാരയിൽ നടന്ന മത്സരത്തിൽ ഏകപക്ഷീയമായ ഒരു ഗോളിന് ദക്ഷിണ കൊറിയയെ തോൽപ്പിച്ചാണ് മെക്സിക്കോ നോക്കൗട്ട് റൗണ്ടിലേക്ക് ടിക്കറ്റെടുത്തത്.(Mexico vs South Korea, Mexico Clinches Round of 32 Spot With Win Over South Korea)
മത്സരത്തിന്റെ ആദ്യ പകുതിയിൽ ഇരുടീമുകളും ഒപ്പത്തിനൊപ്പം നിന്നതോടെ ഗോൾരഹിതമായിരുന്നു. മെക്സിക്കോയുടെ മധ്യനിരയെ തടയുന്നതിൽ കൊറിയൻ താരങ്ങൾ വിജയിച്ചെങ്കിലും മുന്നേറ്റനിരയിൽ കാര്യമായ വെല്ലുവിളികൾ ഉയർത്താൻ അവർക്ക് കഴിഞ്ഞില്ല. ഇതിഹാസ താരം സൺ ഹ്യൂങ്-മിന്നിന് കാര്യമായ ചലനങ്ങൾ സൃഷ്ടിക്കാൻ കഴിയാതെ പോയത് കൊറിയക്ക് തിരിച്ചടിയായി.
മത്സരത്തിന്റെ 50-ാം മിനിറ്റിലായിരുന്നു നിർണ്ണായക നിമിഷം. കൊറിയൻ ഗോൾകീപ്പർ കിം സ്യുങ്-ഗ്യൂവിന്റെ കയ്യിൽ നിന്ന് പന്ത് വഴുതിപ്പോയത് മുതലെടുത്ത് മെക്സിക്കൻ താരം ലൂയിസ് റോമോ പന്ത് വലയിലാക്കി. 87-ാം മിനിറ്റിൽ കൊറിയ സമനില ഗോളിനായി നടത്തിയ ശ്രമം മെക്സിക്കൻ ഗോൾകീപ്പർ റൗൾ റാഞ്ചലിന്റെ തകർപ്പൻ സേവിലൂടെ തടയപ്പെട്ടു. ഗ്രൂപ്പിലെ അവസാന മത്സരത്തിൽ ചെക്ക് റിപ്പബ്ലിക്കിനെയാണ് മെക്സിക്കോ നേരിടുന്നത്.
Story Summary
Mexico secured a spot in the Round of 32 after defeating South Korea 1-0 in Guadalajara, thanks to a 50th-minute goal by Luis Romo. With this victory, Mexico remains at the top of Group A, while South Korea must win their final match against South Africa to keep their knockout dreams alive.
