പ്രശസ്ത സംഗീത സംവിധായകൻ അനിരുദ്ധ് രവിചന്ദർ തന്റെ പുതിയ ഇൻഡിപെൻഡന്റ് മ്യൂസിക് വീഡിയോയായ ‘അരവിന്ദ്’ പുറത്തിറക്കിയതിന് പിന്നാലെ കടുത്ത വിമർശനങ്ങൾ നേരിടുന്നു (Aravindh Song Controversy). അനിരുദ്ധിന്റെ സ്വന്തം ലേബലായ ആൽബുകെർക്കി റെക്കോർഡ്സിലൂടെ റിലീസ് ചെയ്ത ഗാനത്തിൽ നൃത്തസംവിധായകനായി ജാനി മാസ്റ്ററെ ഉൾപ്പെടുത്തിയതാണ് വിവാദങ്ങൾക്ക് വഴിവെച്ചിരിക്കുന്നത്. പ്രായപൂർത്തിയാകാത്ത പെൺകുട്ടിയെ പീഡിപ്പിച്ചുവെന്നാരോപിച്ച് പോക്സോ കേസിൽ അറസ്റ്റിലായി ജാമ്യത്തിലിറങ്ങിയ വ്യക്തിയാണ് ജാനി മാസ്റ്റർ.
ഈ സഹകരണത്തിനെതിരെ വലിയ പ്രതിഷേധമാണ് സോഷ്യൽ മീഡിയയിൽ ഉയരുന്നത്. സാധാരണ സിനിമകളിൽ അണിയറപ്രവർത്തകരെ തീരുമാനിക്കുന്നത് നിർമ്മാണ കമ്പനികളാണെങ്കിലും, ഇത് അനിരുദ്ധിന്റെ സ്വന്തം ലേബലായതുകൊണ്ട് ജാനി മാസ്റ്ററെ തിരഞ്ഞെടുക്കാൻ അദ്ദേഹം എടുത്ത തീരുമാനം ബോധപൂർവ്വമാണെന്നാണ് വിമർശകർ ചൂണ്ടിക്കാട്ടുന്നത്. പാട്ടിന്റെ ഈണത്തേക്കാൾ ഉപരിയായി, ഇത്തരം വിവാദങ്ങളിൽ ഉൾപ്പെട്ട ഒരാളെ പ്രോത്സാഹിപ്പിച്ച അനിരുദ്ധിന്റെ ധാർമികതയാണ് ആരാധകർ ചോദ്യം ചെയ്യുന്നത്. വിവാദങ്ങളോട് അനിരുദ്ധ് ഇതുവരെ പ്രതികരിച്ചിട്ടില്ല. തമിഴിലും തെലുങ്കിലുമായി പുറത്തിറങ്ങിയ ഈ ഗാനത്തിന് വരികൾ എഴുതിയിരിക്കുന്നത് സൂപ്പർ സുബ്ബുവാണ്.
Summary: Music composer Anirudh Ravichander is facing severe backlash following the release of his new independent single, ‘Aravindh,’ under his own label, Albuquerque Records. The controversy centers on the decision to hire choreographer Jani Master, who is currently out on bail following his arrest in a POCSO (Protection of Children from Sexual Offences) case involving a minor.
