ചെന്നൈ: ഒരുകാലത്ത് തെന്നിന്ത്യൻ സിനിമാ ലോകം ഒന്നടങ്കം കീഴടക്കുകയും ദശലക്ഷക്കണക്കിന് ആരാധകരുടെ ഹൃദയമിടിപ്പായി മാറുകയും ചെയ്ത പ്രിയ നടി സിമ്രാൻ (Actress Simran son Adeep Bagga birthday) പങ്കുവെച്ച പുതിയ സോഷ്യൽ മീഡിയ പോസ്റ്റാണ് ഇപ്പോൾ ആരാധകർ ഏറ്റെടുത്തിരിക്കുന്നത്. തന്റെ മൂത്തമകൻ അദീപ് ബഗ്ഗയുടെ 21-ാം ജന്മദിനത്തോടനുബന്ധിച്ച് താരം കുറിച്ച വൈകാരികമായ വരികളും ചിത്രങ്ങളുമാണ് സൈബർ ഇടങ്ങളിൽ ശ്രദ്ധ നേടുന്നത്.
“എന്റെ കൈകൾ മുറുകെ പിടിച്ചിരുന്ന ആ ചെറിയ കൈകളിൽ നിന്ന്, ഇന്ന് ഈ വലിയ ലോകത്തെ ധൈര്യത്തോടെ ഏറ്റെടുക്കാൻ പൂർണ്ണ സജ്ജനായ ഒരു ചെറുപ്പക്കാരനായി നീ വളർന്നിരിക്കുന്നു. അന്ന് കണ്ട ആ ഓമനത്തമുള്ള കുഞ്ഞിൽ നിന്ന്, ഇന്ന് കാണുന്ന ഈ അവിശ്വസനീയ വ്യക്തിത്വമായി നീ മാറിവരുന്നത് നേരിൽ കാണാൻ സാധിക്കുന്നത് ഞങ്ങൾക്ക് ലഭിച്ച ഏറ്റവും വലിയ അനുഗ്രഹമാണ്. ജന്മദിനാശംസകൾ അദീപ്…” മകനൊപ്പമുള്ള ചിത്രം പങ്കുവെച്ചുകൊണ്ട് സിമ്രാൻ ഇൻസ്റ്റാഗ്രാമിൽ കുറിച്ചു.
View this post on Instagram
അമ്മയ്ക്ക് പുറമെ, മകൻ അദീപ് കാറോടിക്കുന്ന ചിത്ര പങ്കുവെച്ചുകൊണ്ട് അച്ഛൻ ദീപക് ബഗ്ഗയും മകന് ജന്മദിനാശംസകൾ നേർന്നിട്ടുണ്ട്. നീണ്ട നാളത്തെ പ്രണയത്തിനൊടുവിൽ 2003-ലായിരുന്നു സിമ്രാന്റെയും ദീപക് ബഗ്ഗയുടെയും വിവാഹം. വിവാഹശേഷം സിനിമയിൽ നിന്ന് താൽക്കാലികമായി വിട്ടുനിന്ന താരം പിന്നീട് ശക്തമായ കഥാപാത്രങ്ങളിലൂടെ വീണ്ടും വെള്ളിത്തിരയിൽ സജീവമാകുകയായിരുന്നു. അദീപിനെ കൂടാതെ ആദിത് ബഗ്ഗ എന്നൊരു മകൻ കൂടി ഈ ദമ്പതികൾക്കുണ്ട്. പ്രിയ താരത്തിന്റെ കുടുംബചിത്രത്തിന് താഴെ സിനിമാ ലോകത്തെ പ്രമുഖരും ആരാധകരും ഉൾപ്പെടെ നിരവധി പേരാണ് അദീപിന് ജന്മദിനാശംസകളുമായി എത്തുന്നത്.
തമിഴ്, തെലുങ്ക്, ഹിന്ദി, മലയാളം, കന്നഡ തുടങ്ങിയ പ്രമുഖ ഇന്ത്യൻ ഭാഷകളിലെല്ലാം ഒട്ടേറെ സൂപ്പർഹിറ്റ് സിനിമകളിൽ നായികയായി തിളങ്ങിയ സിമ്രാൻ, മമ്മൂട്ടി ചിത്രം ‘ഇന്ദ്രപ്രസ്ഥം’ എന്ന സിനിമയിലൂടെയാണ് മലയാളികൾക്കും പ്രിയങ്കരിയായി മാറിയത്.
Story Summary: Aura of the 90s South Indian cinema, Actress Simran shared a heartwarming birthday note for her elder son Adeep Bagga as he turned 21 today. Taking to social media, Simran expressed her joy in seeing her little boy grow into an incredible young man. Her husband, Deepak Bagga, also wished Adeep by sharing a picture of him driving. Simran and Deepak got married in 2003 and also have a younger son named Aadith Bagga.
