ശ്രീനഗർ: ജമ്മു കശ്മീരിലെ പൂഞ്ചിൽ നിയന്ത്രണരേഖയ്ക്ക് (LoC) സമീപം സൈനിക പരിശീലനത്തിനിടെയുണ്ടായ ഗ്രനേഡ് സ്ഫോടനത്തിൽ രണ്ട് ഇന്ത്യൻ സൈനികർക്ക് പരിക്ക് (Poonch grenade blast). പതിവ് യുദ്ധപരിശീലനത്തിൽ ഏർപ്പെട്ടിരിക്കവെ അബദ്ധത്തിൽ ഗ്രനേഡ് പൊട്ടിത്തെറിക്കുകയായിരുന്നുവെന്നാണ് പ്രഥമിക വിവരം.
വെള്ളിയാഴ്ച ഉച്ചയ്ക്ക് 12:30-ഓടെയാണ് പൂഞ്ചിലെ അതീവ സുരക്ഷാ മേഖലയായ ലൈൻ ഓഫ് കൺട്രോളിന് സമീപമുള്ള പരിശീലന കേന്ദ്രത്തിൽ വെച്ച് അപകടമുണ്ടായത്. സ്ഫോടന ശബ്ദം കേട്ടയുടൻ തന്നെ മറ്റ് സഹപ്രവർത്തകർ ഓടിയെത്തി പരിക്കേറ്റ രണ്ട് സൈനികരെയും അടിയന്തരമായി സൈന്യത്തിന്റെ ‘425 ഫീൽഡ് ആശുപത്രിയിൽ’ പ്രവേശിപ്പിച്ചു. വിദഗ്ദ്ധ മെഡിക്കൽ സംഘത്തിന്റെ മേൽനോട്ടത്തിൽ ചികിത്സ നൽകി വരുന്ന ഇരുവരുടെയും ആരോഗ്യനില നിലവിൽ തൃപ്തികരമാണെന്നും ആശങ്കപ്പെടേണ്ട സാഹചര്യമില്ലെന്നും സൈനിക വൃത്തങ്ങൾ വാർത്താക്കുറിപ്പിൽ അറിയിച്ചു. സംഭവത്തിൽ ഉന്നത ഉദ്യോഗസ്ഥരുടെ നേതൃത്വത്തിൽ അന്വേഷണം ആരംഭിച്ചിട്ടുണ്ട്.
Story Summary:
Two Indian Army soldiers were injured in a grenade blast during a routine training exercise near the Line of Control (LoC) in Poonch, Jammu and Kashmir. The accident occurred around 12:30 PM on Friday. The injured soldiers were immediately shifted to the 425 Field Hospital, where their conditions are reported to be stable.
