ഹരിദ്വാറിൽ ചിത്രീകരണം പുരോഗമിക്കുന്ന ഇമ്രാൻ ഹാഷ്മി ചിത്രത്തിനെതിരെ ഹിന്ദു സംഘടനകളുടെ പ്രതിഷേധം. ചിത്രത്തിന്റെ ലൊക്കേഷനിൽ ഒരുക്കിയ ‘കഫേ ആൻഡ് ബാർ’ എന്ന സൈൻബോർഡിനെ ചൊല്ലിയാണ് പ്രതിഷേധമുണ്ടായത് (Cafe and Bar Sign Controversy). പവിത്രമായ നഗരമായ ഹരിദ്വാറിൽ മദ്യത്തിന് സമ്പൂർണ്ണ നിരോധനമുള്ള സാഹചര്യത്തിൽ, ഇത്തരമൊരു ബോർഡ് സ്ഥാപിച്ചത് മതവികാരത്തെ വ്രണപ്പെടുത്തുന്നതാണെന്ന് ആരോപിച്ച് പ്രദേശവാസികളും ഹിന്ദു സംഘടനകളും സെറ്റിലേക്ക് ഇരച്ചുകയറുകയായിരുന്നു.
സിനിമയുടെ ഭാഗമായി ഒരുക്കിയ സെറ്റാണെങ്കിലും അത് അനുവദിക്കാൻ കഴിയില്ലെന്ന് പ്രതിഷേധക്കാർ നിലപാടെടുത്തു. അണിയറപ്രവർത്തകർ പ്രതിഷേധക്കാരെ ശാന്തരാക്കാൻ ശ്രമിച്ചെങ്കിലും ഫലമുണ്ടായില്ല. ഒടുവിൽ ബോർഡ് നീക്കം ചെയ്യാമെന്ന് അണിയറപ്രവർത്തകർ ഉറപ്പുനൽകിയതോടെയാണ് പ്രതിഷേധം അവസാനിച്ചത്. വിവാദമായ ‘ബാർ’ എന്ന ഭാഗം നീക്കം ചെയ്ത ശേഷം ചിത്രീകരണം പുനരാരംഭിച്ചു. 2007-ൽ പുറത്തിറങ്ങിയ ‘ആവാരാപൻ’ എന്ന ചിത്രത്തിന്റെ രണ്ടാം ഭാഗമായ ‘ആവാരാപൻ 2’ ആണ് ഇമ്രാൻ ഹാഷ്മിയുടേതായി റിലീസിനൊരുങ്ങുന്ന അടുത്ത ചിത്രം.
Summary: Protests erupted in Haridwar against the filming of Emraan Hashmi’s upcoming project after a sign reading “Cafe and Bar” was erected on the set. Local residents and Hindu organizations argued that displaying a sign mentioning a “bar” in the holy city, where alcohol is strictly prohibited, was offensive to religious sentiments. The film crew eventually agreed to remove the controversial signage to appease the protesters, allowing filming to resume after the incident.
