തൃശൂർ: പ്രശസ്ത കലാലയമായ കേരള കലാമണ്ഡലത്തിലെ അധ്യാപകനെ വീട്ടിനുള്ളിൽ തൂങ്ങിമരിച്ച നിലയിൽ കണ്ടെത്തി (Kerala Kalamandalam teacher death). കലാമണ്ഡലം കഥകളി തെക്കൻ കളരി വിഭാഗം അധ്യാപകനായ ഹരി ആർ. നായരെയാണ് (45) പാഞ്ഞാളിലുള്ള സ്വന്തം വസതിയിൽ ശനിയാഴ്ച മരിച്ച നിലയിൽ കണ്ടെത്തിയത്.
സംഭവമറിഞ്ഞ് സ്ഥലത്തെത്തിയ ചെറുതുരുത്തി പോലീസ് പ്രാഥമിക ഇൻക്വസ്റ്റ് നടപടികൾ പൂർത്തിയാക്കി മൃതദേഹം വടക്കാഞ്ചേരി ജില്ലാ ആശുപത്രി മോർച്ചറിയിലേക്ക് മാറ്റിയിട്ടുണ്ട്. മരണത്തിലേക്ക് നയിച്ച കാരണം എന്താണെന്ന് നിലവിൽ വ്യക്തമല്ലെന്നും സംഭവത്തിൽ അസ്വാഭാവിക മരണത്തിന് കേസെടുത്ത് വിശദമായ അന്വേഷണം ആരംഭിച്ചതായും പോലീസ് അറിയിച്ചു.
ഹരി ആർ. നായരുടെ അപ്രതീക്ഷിത വിയോഗത്തിൽ കലാമണ്ഡലം കുടുംബവും സാംസ്കാരിക ലോകവും കടുത്ത ഞെട്ടലിലാണ്. വടക്കാഞ്ചേരി ജില്ലാ ആശുപത്രിയിൽ നടത്തുന്ന പോസ്റ്റ്മോർട്ടം നടപടികൾക്ക് ശേഷം മൃതദേഹം സംസ്കാര ചടങ്ങുകൾക്കായി കുടുംബത്തിന് വിട്ടുനൽകും. സ്കൂൾ അധ്യാപികയായ അഞ്ജലിയാണ് ഭാര്യ. ദമ്പതികൾക്ക് രണ്ട് മക്കളുണ്ട്.
Story Summary: Hari R. Nair, a 45-year-old Kathakali Tekkan Kalari teacher at Kerala Kalamandalam, was found dead at his residence in Panjal, Thrissur. Cheruthuruthy police have registered a case and initiated an investigation into the incident.
