പൂനെ: പൂനെയിലെ സിൻഹഗഡ് റോഡിലുള്ള ഒരു ഹൗസിംഗ് സൊസൈറ്റിയിൽ ലിഫ്റ്റിനുള്ളിൽ കുടുങ്ങി ഏഴ് വയസ്സുകാരനായ ബാലൻ മരിച്ചു (Pune lift accident, Sinhagad Road tragedy). കളിച്ചുകൊണ്ടിരിക്കുന്നതിനിടെ ലിഫ്റ്റിന്റെ ഗ്രില്ലിനും സുരക്ഷാ വാതിലിനും ഇടയിലുള്ള ചെറിയ വിടവിൽ കുടുങ്ങിയാണ് കുട്ടിക്ക് ജീവൻ നഷ്ടമായത്. സിൻഹഗഡ് റോഡിലെ ധയാരി (Dhayari) പ്രദേശത്തുള്ള അമൃത് ഭൈരവ് സൊസൈറ്റിയിലാണ് ദാരുണമായ ഈ സംഭവം നടന്നത്.
സൊസൈറ്റിയിലെ താമസക്കാരനായ സന്തോഷ് വിശ്വകർമയുടെ മകൻ ശൗര്യയാണ് മരിച്ചത്. വൈകുന്നേരം സുഹൃത്തുക്കൾക്കൊപ്പം കളിക്കുന്നതിനിടെയാണ് ശൗര്യ ലിഫ്റ്റിലേക്ക് കയറിയത്. കുട്ടി ലിഫ്റ്റിന്റെ പുറത്തെ കൊളാപ്സിബിൾ ഗ്രിൽ ഗേറ്റും ഉള്ളിലെ ഓട്ടോമാറ്റിക് ഡോറും തമ്മിലുള്ള വിടവിൽ നിൽക്കുകയായിരുന്നു. ഈ സമയം മറ്റാരോ മുകൾ നിലയിൽ നിന്ന് ലിഫ്റ്റ് പ്രവർത്തിപ്പിച്ചതോടെ ലിഫ്റ്റ് പെട്ടെന്ന് മുകളിലേക്ക് നീങ്ങുകയും കുട്ടി അതിനിടയിൽ ദാരുണമായി കുടുങ്ങുകയുമായിരുന്നു.
കുട്ടിയുടെ നിലവിളി കേട്ട് ഓടിയെത്തിയ നാട്ടുകാരും കുടുംബാംഗങ്ങളും ഉടൻ തന്നെ ലിഫ്റ്റിന്റെ പ്രവർത്തനം നിർത്തിവെച്ച് കുട്ടിയെ പുറത്തെടുത്തു. ഗുരുതരമായി പരിക്കേറ്റ ശൗര്യയെ ഉടൻ തന്നെ അടുത്തുള്ള സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ലിഫ്റ്റിന്റെ സുരക്ഷാ വീഴ്ചയാണ് അപകടത്തിന് കാരണമായതെന്ന് നാട്ടുകാർ ആരോപിക്കുന്നു. സംഭവത്തിൽ സിൻഹഗഡ് റോഡ് പോലീസ് അസ്വാഭാവിക മരണത്തിന് കേസ് രജിസ്റ്റർ ചെയ്യുകയും സൊസൈറ്റിയിലെ ലിഫ്റ്റിന്റെ അറ്റകുറ്റപ്പണികളെക്കുറിച്ച് അന്വേഷണം ആരംഭിക്കുകയും ചെയ്തു.
Short Story Summary:A tragic incident occurred in Pune’s Sinhagad Road area, where a 7-year-old boy named Shaurya Vishwakarma lost his life after getting trapped in a residential society’s elevator. The child was playing with friends at the Amrut Bhairav Society when he got stuck in the narrow space between the outer collapsible grill gate and the inner automatic door of the lift. As the lift moved, he sustained fatal injuries. The Sinhagad Road police have registered an accidental death case and are investigating potential safety lapses.
