തിരുവനന്തപുരം: പത്ത് വർഷത്തെ ഇടവേളയ്ക്ക് ശേഷം വി.ഡി. സതീശന്റെ നേതൃത്വത്തിലുള്ള പുതിയ യു.ഡി.എഫ് സർക്കാർ കേരളത്തിൽ അധികാരമേറ്റിരിക്കുകയാണ്. മുഖ്യമന്ത്രിക്ക് പുറമെ 20 മന്ത്രിമാരാണ് പുതിയ മന്ത്രിസഭയിലുള്ളത്. വരും വർഷങ്ങളിൽ നിയമസഭയ്ക്കകത്തും പുറത്തും കടുത്ത വെല്ലുവിളികൾ നേരിട്ട് ജനക്ഷേമത്തിനായി പ്രവർത്തിക്കേണ്ട ഈ ജനപ്രതിനിധികൾക്ക് സംസ്ഥാന സർക്കാർ മാസാമാസം നൽകുന്ന ശമ്പളത്തിന്റെയും മറ്റ് അലവൻസുകളുടെയും കൃത്യമായ വിവരങ്ങൾ താഴെ നൽകുന്നു.(Kerala CM VD Satheesan Ministers Monthly Salary Allowances Cliff House Perks Details 2026)
കേരളത്തിലെ ഒരു ക്യാബിനറ്റ് മന്ത്രിക്ക് ലഭിക്കുന്ന അടിസ്ഥാന ശമ്പളം വളരെ കുറവാണെങ്കിലും, വിവിധ അലവൻസുകൾ ചേരുമ്പോൾ അത് മാന്യമായ ഒരു തുകയായി മാറും. അടിസ്ഥാന ശമ്പളം : 2,000 രൂപ, ക്ഷാമബത്ത : 38,429 രൂപ, മണ്ഡലം അലവൻസ് :40,000 രൂപ, യാത്രാ അലവൻസ് :17,000 രൂപ, ആകെ പ്രതിമാസ ശമ്പളം:97,429 എന്നിങ്ങനെയാണ്.
മന്ത്രിമാർക്കും അവരുടെ കുടുംബാംഗങ്ങൾക്കും പൂർണ്ണമായ സർക്കാർ ചികിത്സാ പരിരക്ഷ ലഭിക്കും. പുതിയ കാർ വാങ്ങുന്നതിനായി 10 ലക്ഷം രൂപ വരെ അഡ്വാൻസായി കൈപ്പറ്റാം. വീട് നിർമ്മാണത്തിനോ അറ്റകുറ്റപ്പണികൾക്കോ ആയി 20 ലക്ഷം രൂപ വരെ അനുവദിക്കും. തലസ്ഥാന നഗരിയിൽ പൂർണ്ണമായി സജ്ജീകരിച്ച ഔദ്യോഗിക വസതി, ഔദ്യോഗിക കാർ, അകമ്പടിക്കായി പൈലറ്റ് വാഹനം, പേഴ്സണൽ സ്റ്റാഫ് സൗകര്യം എന്നിവ ലഭ്യമാണ്.
കേരളത്തിന്റെ ഭരണത്തലവനായ മുഖ്യമന്ത്രിക്ക് മന്ത്രിമാരേക്കാൾ ഉയർന്ന പദവിയും അതിനനുസരിച്ചുള്ള ശമ്പള ഘടനയുമാണുള്ളത്. അടിസ്ഥാന ശമ്പളവും വിവിധ അലവൻസുകളും ഉൾപ്പെടെ മുഖ്യമന്ത്രിക്ക് പ്രതിമാസം ഏകദേശം ₹1,85,000 ശമ്പളമായി ലഭിക്കും. സംസ്ഥാനത്തിനകത്തും പുറത്തുമുള്ള ഔദ്യോഗിക ട്രെയിൻ-വിമാന യാത്രകൾക്ക് പ്രത്യേക യാത്രാ അലവൻസുകളും ഉയർന്ന സുരക്ഷാ സൗകര്യങ്ങളും ലഭിക്കും. യാത്രയ്ക്കായി പ്രത്യേക ഔദ്യോഗിക വാഹനവും സുരക്ഷയ്ക്കായി വിപുലമായ പൈലറ്റ്-എസ്കോർട്ട് സംവിധാനങ്ങളും ഉണ്ടായിരിക്കും. മുഖ്യമന്ത്രിക്കോ കുടുംബത്തിനോ വരുന്ന ചികിത്സാ ചെലവുകൾ പൂർണ്ണമായും സൗജന്യമായിരിക്കും. തിരുവനന്തപുരത്തെ പ്രശസ്തമായ ‘ക്ലിഫ് ഹൗസ്’ ആണ് മുഖ്യമന്ത്രിയുടെ ഔദ്യോഗിക വസതി. 24 മണിക്കൂറും കമാൻഡോകൾ ഉൾപ്പെടെയുള്ള കനത്ത പോലീസ് സുരക്ഷാ വലയത്തിലായിരിക്കും ഈ വസതി. അഞ്ച് വർഷത്തെ കാലാവധി പൂർത്തിയാക്കി പടിയിറങ്ങിയാലും മുഖ്യമന്ത്രി പദവി അലങ്കരിച്ച വ്യക്തിക്ക് ആജീവനാന്തം പ്രത്യേക പെൻഷൻ ആനുകൂല്യങ്ങൾ സർക്കാർ ചട്ടപ്രകാരം ഉറപ്പാക്കുന്നുണ്ട്.
Story Summary
A detailed breakdown of the monthly salary, allowances, and perks of the newly sworn-in Kerala Chief Minister VD Satheesan and his 20 cabinet ministers. While ministers receive around ₹97,429 per month including DA and travel allowances, the Chief Minister gets around ₹1,85,000 along with the official Cliff House residence.
