ചെന്നൈ: തമിഴ്നാട്ടിലെ തിരുപ്പത്തൂരിൽ നായയ്ക്ക് നൽകാനായി മാറ്റിവെച്ചിരുന്ന പഴകിയ കോഴിക്കറി അബദ്ധത്തിൽ കഴിച്ച മൂന്ന് വയസ്സുകാരി ഭക്ഷ്യവിഷബാധയേറ്റ് മരിച്ചു (Tirupattur food poisoning death). തിരുപ്പത്തൂർ ജില്ലയിൽ ആമ്പൂരിനടുത്തുള്ള മാതഗഡുപ്പ് ഗ്രാമത്തിലാണ് നെഞ്ചുലയ്ക്കുന്ന ഈ സംഭവം നടന്നത്. മരംകയറ്റ തൊഴിലാളിയായ സതീഷിന്റെ മകൾ ഭൂമികയാണ് മരണപ്പെട്ടത്.
സതീഷിനും ഭാര്യ ശ്രേയയ്ക്കും മൂന്ന് കുട്ടികളാണുള്ളത്. കഴിഞ്ഞ ഞായറാഴ്ച വീട്ടിൽ കോഴിക്കറി വെച്ചിരുന്നു. ഇതിൽ നിന്നും ബാക്കി വന്നതും പഴകിയതുമായ കറി വളർത്തുനായയ്ക്ക് നൽകാനായി പാത്രത്തിൽ മാറ്റി സൂക്ഷിച്ചിരിക്കുകയായിരുന്നു. എന്നാൽ കളിച്ചുകൊണ്ടിരുന്ന മൂന്ന് വയസ്സുകാരി ഭൂമിക വീട്ടുകാരുടെ ശ്രദ്ധയിൽപ്പെടാതെ ഈ കറി എടുത്ത് കഴിക്കുകയായിരുന്നു.
ഭക്ഷണം കഴിച്ച് അല്പസമയത്തിനകം തന്നെ കുട്ടിക്ക് കടുത്ത ഛർദ്ദിയും വയറുവേദനയും അനുഭവപ്പെട്ടു. അസ്വാസ്ഥ്യം ഗുരുതരമായതോടെ മാതാപിതാക്കൾ കുട്ടിയെ ഉടൻ തന്നെ സമീപത്തെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. കടുത്ത ഭക്ഷ്യവിഷബാധയാണ് മരണകാരണമെന്നാണ് പ്രാഥമിക നിഗമനം. സംഭവത്തിൽ പ്രാദേശിക പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
Story Summary: In a tragic incident near Ambur in Tirupattur district, Tamil Nadu, a 3-year-old girl named Bhoomika died after accidentally consuming spoiled chicken curry that her family had set aside for their pet dog. The toddler developed severe food poisoning shortly after eating the food and succumbed despite being rushed to the hospital.
