ചെന്നൈ: തമിഴ്നാടിന്റെ പുതിയ മുഖ്യമന്ത്രിയായി സത്യപ്രതിജ്ഞ ചെയ്ത സി. ജോസഫ് വിജയ്യെ (തലപതി വിജയ്) അഭിനന്ദിച്ചുകൊണ്ട് പ്രമുഖ സംവിധായകൻ എസ്. ശങ്കർ രംഗത്തെത്തി (Director Shankar Vijay CM). ലക്ഷ്യബോധവും കഠിനാധ്വാനവും ഒത്തുചേർന്നാൽ അസാധ്യമായ ഒന്നുമില്ലെന്ന് വിജയ് തെളിയിച്ചതായി ശങ്കർ സോഷ്യൽ മീഡിയയിൽ കുറിച്ചു.
സിനിമയിൽ മാത്രം സംഭവിക്കുമെന്ന് കരുതിയിരുന്ന കാര്യങ്ങൾ പ്രവൃത്തിയിലൂടെ യാഥാർത്ഥ്യമാക്കാൻ വിജയ്ക്ക് സാധിച്ചു.
തമിഴ്നാട്ടിലെ ജനങ്ങളുടെ ആഗ്രഹമാണ് സഫലമായിരിക്കുന്നത്. ഇത് ഒരു ഗംഭീരമായ തുടക്കമാണെന്നും അദ്ദേഹം വിശേഷിപ്പിച്ചു.
“ഇനിയും ഉയരങ്ങളിലേക്ക് കുതിക്കാൻ സാധിക്കട്ടെ സഹോദരാ” എന്ന് കുറിച്ചുകൊണ്ടാണ് ശങ്കർ തന്റെ അഭിനന്ദനങ്ങൾ അവസാനിപ്പിച്ചത്.
കഴിഞ്ഞ ഞായറാഴ്ചയാണ് തമിഴക വെട്രി കഴകം (TVK) നേതാവായ വിജയ് ഒൻപത് മന്ത്രിമാരോടൊപ്പം തമിഴ്നാട് മുഖ്യമന്ത്രിയായി സത്യപ്രതിജ്ഞ ചെയ്ത് അധികാരമേറ്റത്. സിനിമാരംഗത്തുനിന്നുള്ള നിരവധി പ്രമുഖർ വിജയ്ക്ക് ആശംസകളുമായി നേരത്തെയും രംഗത്തെത്തിയിരുന്നു.
News Summary: Renowned director S. Shankar congratulated C. Joseph Vijay on taking oath as the Chief Minister of Tamil Nadu. In a heartfelt social media post, Shankar stated that Vijay has proven that anything is possible when vision and action align, breaking the stereotype that such transformations only happen in movies. He hailed the victory as a fulfillment of the people’s wishes and wished his “brother” continued success in his new political journey. Vijay was sworn in as CM last Sunday along with nine cabinet ministers.
