പുതുച്ചേരി: എൻ. രംഗസ്വാമി പുതുച്ചേരിയുടെ മുഖ്യമന്ത്രിയായി ബുധനാഴ്ച നടന്ന ചടങ്ങിൽ സത്യപ്രതിജ്ഞ ചെയ്ത് അധികാരമേറ്റു. റെക്കോർഡ് അഞ്ചാം തവണയാണ് അദ്ദേഹം മുഖ്യമന്ത്രി പദവിയിലെത്തുന്നത്. തുടർച്ചയായ രണ്ടാം തവണയാണ് എൻ. രംഗസ്വാമി എൻഡിഎ സർക്കാരിനെ നയിക്കുന്നത്.(N Rangasamy Sworn in as Puducherry Chief Minister for Record Fifth Term)
ലെഫ്റ്റനന്റ് ഗവർണർ മുഖ്യമന്ത്രിക്ക് സത്യവാചകം ചൊല്ലിക്കൊടുത്തു. മുഖ്യമന്ത്രിക്ക് പുറമെ ബിജെപി എംഎൽഎ എ. നമശിവായം, എഐഎൻആർസി എംഎൽഎ മല്ലാടി കൃഷ്ണറാവു എന്നിവരും മന്ത്രിമാരായി സത്യപ്രതിജ്ഞ ചെയ്തു. ബാക്കി മൂന്ന് മന്ത്രിമാരെ പിന്നീട് ഉൾപ്പെടുത്തും.
പുതുച്ചേരിയിൽ എൻഡിഎ സഖ്യത്തിന്റെ ഓൾ ഇന്ത്യ എൻ.ആർ. കോൺഗ്രസ് (AINRC): 12 എംഎൽഎമാർ, ഭാരതീയ ജനതാ പാർട്ടി (BJP): 4 എംഎൽഎമാർ, എഐഎഡിഎംകെ (AIADMK): 1 എംഎൽഎ, ലക്ഷ്യ ജനനായക കക്ഷി (LJK): 1 എംഎൽഎ എന്നീ കക്ഷികളാണുള്ളത്. സത്യപ്രതിജ്ഞാ ചടങ്ങിൽ ബിജെപി ദേശീയ അധ്യക്ഷൻ നിതിൻ നബിൻ, ദേശീയ സെക്രട്ടറി ബി.എൽ. സന്തോഷ്, പുതുച്ചേരി ബിജെപി ഇൻചാർജ് നിർമ്മൽ കുമാർ സുരാന, ബിജെപി സംസ്ഥാന അധ്യക്ഷൻ വി.പി. രാമലിംഗം തുടങ്ങിയ പ്രമുഖ നേതാക്കൾ പങ്കെടുത്തു.
Story Summary
N. Rangasamy has been sworn in as the Chief Minister of Puducherry for a record fifth term, leading the NDA government for the second consecutive time. Alongside him, two ministers from the BJP and AINRC were inducted into the cabinet during the ceremony administered by Lt Governor K. Kailashnathan.
