കൊൽക്കത്ത: പശ്ചിമ ബംഗാളിൽ അധികാരമേറ്റ സുവേന്ദു അധികാരി സർക്കാരിന്റെ ആദ്യ മന്ത്രിസഭാ യോഗത്തിൽ അതിർത്തി സുരക്ഷയ്ക്കും ഭരണപരിഷ്കാരങ്ങൾക്കും മുൻഗണന. ബംഗ്ലാദേശ് അതിർത്തിയിൽ മതിൽ കെട്ടുന്നതിനായി ബിഎസ്എഫിന് ആവശ്യമായ ഭൂമി 45 ദിവസത്തിനുള്ളിൽ കൈമാറാൻ യോഗം അംഗീകാരം നൽകി. അതിർത്തി ജില്ലകളിലെ ജനസംഖ്യാപരമായ മാറ്റങ്ങൾ കണക്കിലെടുത്താണ് ഈ നീക്കമെന്ന് മുഖ്യമന്ത്രി അറിയിച്ചു.(West Bengal First Cabinet Meeting Suvendu Adhikari BSF Land Census Decisions
സംസ്ഥാനത്ത് സെൻസസ് നടപടികൾ ഉടൻ ആരംഭിക്കാനും മന്ത്രിസഭ തീരുമാനിച്ചു. 2025 ജൂണിൽ കേന്ദ്രം നൽകിയ സെൻസസ് സർക്കുലർ മുൻ സർക്കാർ അവഗണിച്ചുവെന്നും ഇത് ഭരണഘടനാ വിരുദ്ധമാണെന്നും സുവേന്ദു അധികാരി ആരോപിച്ചു. ഇതിനുപുറമെ, രാജ്യത്ത് നിലവിലുള്ള പുതിയ ക്രിമിനൽ നിയമമായ ‘ഭാരതീയ ന്യായ സംഹിത’ സംസ്ഥാനത്ത് ഔദ്യോഗികമായി നടപ്പിലാക്കാനും തീരുമാനമായി.
നിലവിലുള്ള എല്ലാ സാമൂഹിക ക്ഷേമ പദ്ധതികളും തുടരും. ഒരു പദ്ധതിയും നിർത്തലാക്കില്ല. ആയുഷ്മാൻ ഭാരത്, പിഎം വിശ്വകർമ യോജന തുടങ്ങിയ കേന്ദ്ര പദ്ധതികൾ ബംഗാളിൽ നടപ്പിലാക്കും. സർക്കാർ ജോലികൾക്കുള്ള അപേക്ഷകരുടെ പ്രായപരിധിയിൽ 5 വർഷത്തെ ഇളവ് അനുവദിച്ചു. പാർട്ടിക്കുവേണ്ടി പാർട്ടി നടത്തുന്ന രീതി അവസാനിപ്പിച്ച്, ജനങ്ങൾക്കായി ജനങ്ങൾ നടത്തുന്ന ഭരണം ഉറപ്പാക്കും എന്ന് മുഖ്യമന്ത്രി വ്യക്തമാക്കി. മെയ് 9-ന് സത്യപ്രതിജ്ഞ ചെയ്ത സുവേന്ദു അധികാരിക്കൊപ്പം അഞ്ച് മന്ത്രിമാരും ചീഫ് സെക്രട്ടറി ഉൾപ്പെടെയുള്ള ഉന്നത ഉദ്യോഗസ്ഥരും യോഗത്തിൽ പങ്കെടുത്തു.
Story Summary
In its first cabinet meeting, the Suvendu Adhikari-led West Bengal government approved land transfer to the BSF for border fencing and initiated the long-pending Census process. The cabinet also decided to implement the Bharatiya Nyay Sanhita and various central welfare schemes like Ayushman Bharat in the state.
