ന്യൂഡൽഹി: ഭീകരാക്രമണത്തിന് സാധ്യതയുണ്ടെന്ന രഹസ്യാന്വേഷണ റിപ്പോർട്ടുകളെത്തുടർന്ന് രാജ്യതലസ്ഥാനത്തെ പ്രധാന കേന്ദ്രങ്ങളിൽ സുരക്ഷ ശക്തമാക്കി. ബിജെപി ദേശീയ ആസ്ഥാനവും ഡൽഹിയിലെ പാർട്ടി ഓഫീസും ലക്ഷ്യമിട്ട് ആക്രമണം ഉണ്ടായേക്കുമെന്ന മുന്നറിയിപ്പിനെത്തുടർന്ന് നഗരം അതീവ ജാഗ്രതയിലാണ്.(Delhi Terror Alert, Security Beefed Up At Delhi BJP Headquarters Following Terror Threat Alert)
ഡൽഹി ബിജെപി ഓഫീസ് സ്ഥിതി ചെയ്യുന്ന ഡിഡിയു മാർഗിലും പരിസരത്തെ സർക്കാർ ഓഫീസുകളിലും സുരക്ഷാ ഉദ്യോഗസ്ഥരെ വിന്യസിച്ചു. പ്രധാന സർക്കാർ സ്ഥാപനങ്ങളിൽ വിപുലമായ പരിശോധനകൾ നടന്നുവരികയാണ്. ബോംബ് സ്ക്വാഡും സ്നിഫർ ഡോഗ് യൂണിറ്റുകളും സജ്ജമായിരിക്കാൻ നിർദ്ദേശം നൽകിയിട്ടുണ്ട്.
സംശയാസ്പദമായ നീക്കങ്ങൾ, ഉടമസ്ഥരില്ലാത്ത വസ്തുക്കൾ, തിരക്കേറിയ സ്ഥലങ്ങളിൽ പാർക്ക് ചെയ്തിരിക്കുന്ന വാഹനങ്ങൾ എന്നിവ നിരീക്ഷിക്കാൻ പോലീസിന് നിർദ്ദേശം നൽകി. രഹസ്യാന്വേഷണ ഏജൻസികളും കേന്ദ്ര അർദ്ധസൈനിക വിഭാഗങ്ങളും ഡൽഹി പോലീസുമായി ചേർന്ന് നിരന്തരം സ്ഥിതിഗതികൾ വിലയിരുത്തുന്നു. നഗരത്തിലെ ക്രമസമാധാന പ്രശ്നങ്ങൾക്ക് സാധ്യതയുള്ള ഇടങ്ങളിൽ പോലീസിന്റെ മിന്നൽ പരിശോധനകളും തിരിച്ചറിയൽ രേഖകൾ ഉറപ്പുവരുത്തലും നടക്കുന്നുണ്ട്. ഉന്നത ഉദ്യോഗസ്ഥർ സുരക്ഷാ ക്രമീകരണങ്ങൾ നേരിട്ട് വിലയിരുത്തുന്നുണ്ടെന്നും ഭയപ്പെടേണ്ട സാഹചര്യമില്ലെന്നും അധികൃതർ വ്യക്തമാക്കി.
Story Summary
Security has been ramped up in Delhi following intelligence warnings of a potential terror attack targeting the BJP headquarters and government offices. Anti-sabotage checks and strict monitoring of suspicious movements are underway across the national capital to ensure safety.
