ന്യൂഡൽഹി: ഇന്ത്യയിലൂടെ സോളോ ബൈക്ക് യാത്ര നടത്തുന്ന നെതർലൻഡ്സ് സ്വദേശിനി മൈക്ക് ഹൈമാൻ പങ്കുവെച്ച വീഡിയോ സോഷ്യൽ മീഡിയയിൽ വൈറലാകുന്നു. ഹൈവേയിൽ വെച്ച് ബൈക്കിന്റെ ടയർ പഞ്ചറായി വഴിയിൽ കുടുങ്ങിയ തനിക്ക് സഹായവുമായെത്തിയ മൂന്ന് അപരിചിതരായ യുവാക്കളെക്കുറിച്ചാണ് മൈക്ക് വീഡിയോയിൽ പറയുന്നത്. (Dutch Biker Indian Highway Rescue)
യാത്രയ്ക്കിടയിൽ അപ്രതീക്ഷിതമായാണ് മൈക്കിന്റെ ബൈക്കിന്റെ ടയർ പഞ്ചറായത്. ടയർ നന്നാക്കാനുള്ള ഉപകരണങ്ങളോ അറിവോ ഇല്ലാതിരുന്ന മൈക്കിന് സഹായവുമായി ഉടൻ തന്നെ മൂന്ന് പ്രാദേശിക യുവാക്കൾ എത്തുകയായിരുന്നു. “ഇന്നത്തെ യാത്ര വളരെ നന്നായി പോവുകയായിരുന്നു, പക്ഷേ പെട്ടെന്നാണ് ഇത് സംഭവിച്ചത്. ഈ യുവാക്കൾ എയർ നിറയ്ക്കാനും എന്നെ ഒരു മെക്കാനിക്കിന്റെ അടുത്തേക്ക് എത്തിക്കാനും സഹായിക്കുകയാണ്,” മൈക്ക് വീഡിയോയിൽ പറയുന്നു. ഹൈവേയിൽ തനിക്കായി വണ്ടി നിർത്തിയ അവർ തന്നെ പിന്തുടരാൻ ആവശ്യപ്പെടുകയായിരുന്നുവെന്നും മൈക്ക് കൂട്ടിച്ചേർത്തു. ‘ഇന്ത്യൻ ഹൈവേയിൽ 3 അപരിചിതർ എന്നെ രക്ഷിച്ചു’ എന്ന തലക്കെട്ടോടെ ഇൻസ്റ്റാഗ്രാമിൽ പങ്കുവെച്ച വീഡിയോ ഇതിനോടകം നാല് ലക്ഷത്തിലധികം ആളുകൾ കണ്ടുകഴിഞ്ഞു.
View this post on Instagram
ഇന്ത്യക്കാരുടെ അതിഥി സൽക്കാരത്തെയും ദയയെയും പുകഴ്ത്തി നിരവധി പേരാണ് വീഡിയോയ്ക്ക് താഴെ കമന്റുകളുമായി എത്തുന്നത്. ഭൂരിഭാഗം ഇന്ത്യക്കാരും നല്ല മനസ്സിനുടമകളാണെന്നും മൈക്കിന് സുരക്ഷിതമായ യാത്ര ആശംസിക്കുന്നുവെന്നും സോഷ്യൽ മീഡിയ ഉപയോക്താക്കൾ കുറിച്ചു.
Summary: Meike Hijman, a solo biker from the Netherlands, shared a viral video detailing how three strangers helped her on an Indian highway after her motorcycle got a flat tire. Lacking tools to fix it, she was rescued by locals who filled air and guided her to a mechanic. The video has garnered over 4.2 lakh views, with users praising Indian hospitality.
