വാഷിംഗ്ടൺ: ഹോർമുസ് കടലിടുക്കിൽ കുടുങ്ങിക്കിടക്കുന്ന കപ്പലുകളെ പുറത്തെത്തിക്കാനുള്ള അമേരിക്കൻ സൈനിക നീക്കമായ ‘പ്രോജക്ട് ഫ്രീഡം’ താൽക്കാലികമായി നിർത്തിവെക്കുന്നതായി പ്രസിഡന്റ് ഡൊണാൾഡ് ട്രംപ് പ്രഖ്യാപിച്ചു. ഇറാനുമായി അന്തിമ സമാധാന കരാറിലെത്തുന്നതിന്റെ ഭാഗമായാണ് ഈ നടപടി. എന്നാൽ ഇറാനിയൻ തുറമുഖങ്ങൾക്കുമേൽ ഏർപ്പെടുത്തിയിട്ടുള്ള നാവിക ഉപരോധം തുടരുമെന്നും അദ്ദേഹം വ്യക്തമാക്കി.(Trump Pauses Project Freedom Amid Iran Peace Negotiations And Hormuz Crisis)
പാകിസ്ഥാൻ ഉൾപ്പെടെയുള്ള രാജ്യങ്ങളുടെ അഭ്യർത്ഥന മാനിച്ചാണ് ഈ തീരുമാനമെന്ന് ട്രംപ് സോഷ്യൽ മീഡിയയിലൂടെ അറിയിച്ചു. ഇറാനെതിരായ സൈനിക നടപടിയുടെ ആദ്യഘട്ടം അവസാനിച്ചതായും സ്റ്റേറ്റ് സെക്രട്ടറി മാർക്കോ റൂബിയോ സ്ഥിരീകരിച്ചു. ഇറാൻ തങ്ങളുടെ ആണവ പദ്ധതികൾ ഉപേക്ഷിക്കുകയും ഹോർമുസ് കടലിടുക്ക് പൂർണ്ണമായി തുറന്നുകൊടുക്കുകയും വേണമെന്നതാണ് അമേരിക്കയുടെ പ്രധാന ആവശ്യം.
അതിനിടെ, യുഎഇക്ക് നേരെ ഇറാൻ ഡ്രോൺ ആക്രമണം നടത്തിയതായി റിപ്പോർട്ടുകളുണ്ട്. ഹോർമുസ് കടലിടുക്കിലെ തർക്കം മൂലം ആഗോള വിപണിയിൽ ഇന്ധനവില കുതിച്ചുയരുകയാണ്. സുരക്ഷാ ഭീഷണി നിലനിൽക്കുന്നതിനാൽ പ്രമുഖ ഷിപ്പിംഗ് കമ്പനികൾ ഇപ്പോഴും ഈ മേഖലയിലൂടെയുള്ള യാത്ര ഒഴിവാക്കിയിരിക്കുകയാണ്.
Story Summary
President Trump pauses ‘Project Freedom’ in the Strait of Hormuz to finalize a peace deal with Iran, while maintaining a naval blockade. The U.S. claims major military operations have concluded, but global shipping remains halted due to ongoing security risks.
