കൊച്ചി: മലയാള സിനിമയിലെ ബാലതാരങ്ങളായിരുന്ന പെൺകുട്ടികൾ വളർന്നു വരുമ്പോൾ അവരെ ‘ഹൈപ്പർ സെക്ഷ്വലൈസ്’ ചെയ്യുന്ന പ്രവണതയ്ക്കെതിരെ നേരത്തെയും എസ്തർ സംസാരിച്ചിരുന്നു (Esther Anil Response). ഇതിനു പിന്നാലെ താരത്തിന്റെ വസ്ത്രധാരണത്തെയും ഫോട്ടോഷൂട്ടുകളെയും വിമർശിച്ച് എത്തിയവർക്കാണ് എസ്തർ ഇപ്പോൾ ഇൻസ്റ്റഗ്രാമിലൂടെ മറുപടി നൽകിയത്.
“സിനിമയിൽ ലീഡ് റോൾ കിട്ടാൻ വേണ്ടിയുള്ള ഷോ ഓഫ് ആണ് ഗ്ലാമറസ് ഫോട്ടോഷൂട്ടുകൾ”, “നായികയാവാൻ പ്രായമെത്തി എന്ന് കാണിക്കാൻ അല്പവസ്ത്രം ധരിക്കുന്നു” എന്നിങ്ങനെയായിരുന്നു സോഷ്യൽ മീഡിയയിൽ വന്ന ചില കമന്റുകൾ. ഇത്തരം കമന്റുകളെ പിന്തുണച്ച് നിരവധി പേർ എത്തുകയും ചെയ്തിരുന്നു.
സോഷ്യൽ മീഡിയയിൽ ഗ്ലാമറസ് ആയതുകൊണ്ട് മാത്രം മലയാളത്തിൽ നായികയായ ഒരാളെപ്പോലും കാണിച്ചു തരാൻ സാധിക്കില്ലെന്ന് എസ്തർ പറഞ്ഞു. കലയും കഴിവും ഉള്ളതുകൊണ്ടാണ് സിനിമാക്കാർ നിലനിൽക്കുന്നത്. ഒരാൾ എന്ത് വസ്ത്രം ധരിക്കണം എന്നത് അയാളുടെ ഇഷ്ടമാണെന്നും അതിൽ മറ്റുള്ളവർ ഇടപെടേണ്ടതില്ലെന്നും താരം വ്യക്തമാക്കി.
സ്വന്തമായി ജീവിതമില്ലാത്തവരാണ് മറ്റുള്ളവരുടെ കാര്യത്തിൽ ഇടപെടുന്നത്. കൂടുതൽ ഫോളോവേഴ്സിനെ കിട്ടാൻ വേണ്ടിയുള്ള വിലകുറഞ്ഞ പ്രശസ്തിയാണോ ഇത്തരം കമന്റുകൾക്ക് പിന്നിലെന്നും എസ്തർ ചോദിച്ചു.
സാധാരണയായി ഇത്തരം കമന്റുകളോട് പ്രതികരിക്കാറില്ലെങ്കിലും, ഇത്തരക്കാരെ തുറന്നുകാട്ടേണ്ടത് ആവശ്യമാണെന്ന് തോന്നിയതിനാലാണ് ഈ പ്രതികരണമെന്ന് എസ്തർ കുറിച്ചു.
Story Summary: Actress Esther Anil has slammed moral policing on social media, specifically targeting comments that suggest former child actors opt for glamorous photoshoots to secure lead roles in movies. Esther clarified that roles in Malayalam cinema are gained through talent and not through clothing choices. She questioned the motives of critics, suggesting they seek cheap publicity, and emphasized that personal choices in attire are not the business of others.
