കൊച്ചി: ജോലി വാഗ്ദാനം നൽകി ദളിത് യുവതിയെ പീഡിപ്പിച്ചെന്ന പരാതിയിൽ പ്രതിയായ പാലക്കാട്ടെ കോൺഗ്രസ് കൗൺസിലർ പ്രശോഭ് വത്സൻ ഹൈക്കോടതിയിൽ മുൻകൂർ ജാമ്യാപേക്ഷ നൽകി (Prashobh Valsan Palakkad). കേസിൽ പട്ടികജാതി-പട്ടികവർഗ പീഡന നിരോധന നിയമപ്രകാരമുള്ള വകുപ്പുകൾ (SC/ST Act) നിലനിൽക്കില്ലെന്നാണ് ഹർജിയിലെ പ്രധാന വാദം.
ജോലി വാഗ്ദാനം നൽകി പീഡിപ്പിച്ചു എന്ന പരാതിയിൽ ജാതി ഒരു ഘടകമായി വരുന്നില്ലെന്നും അതിനാൽ എസ്.സി/എസ്.ടി വകുപ്പുകൾ ചുമത്തുന്നത് നിയമപരമല്ലെന്നും ഹർജിയിൽ പറയുന്നു. പരാതിക്കാരിയുമായി തനിക്ക് ദീർഘകാലമായി അടുത്ത ബന്ധമുണ്ടായിരുന്നു.
ഈ ബന്ധം പുറംലോകം അറിഞ്ഞപ്പോൾ മാത്രമാണ് തനിക്കെതിരെ പരാതി നൽകിയതെന്നും പ്രശോഭ് വത്സൻ ആരോപിക്കുന്നു.
ഹർജി പരിഗണിച്ച ഹൈക്കോടതി വിഷയത്തിൽ പോലീസിന്റെ മറുപടി തേടിയിട്ടുണ്ട്. കേസ് കൂടുതൽ വാദത്തിനായി മെയ് അഞ്ചിലേക്ക് മാറ്റി. പാലക്കാട് കോൺഗ്രസിലെ സജീവ പ്രവർത്തകനായ പ്രശോഭിനെതിരെ അതീവ ഗുരുതരമായ ആരോപണങ്ങളാണ് യുവതി ഉന്നയിച്ചിരിക്കുന്നത്. സംഭവത്തിന് പിന്നാലെ ഇയാൾ ഒളിവിൽ പോവുകയായിരുന്നു. രാഷ്ട്രീയ വൃത്തങ്ങളിലും വലിയ ചർച്ചയായ ഈ കേസിൽ പോലീസിന്റെ കണ്ടെത്തലുകൾ നിർണ്ണായകമാകും.
Story Summary: Palakkad Congress Councilor Prashobh Valsan has approached the High Court seeking anticipatory bail in a case involving the sexual assault of a Dalit woman. The petitioner argues that the SC/ST Act is not applicable as caste was not a factor in the alleged incident, which he claims stemmed from a long-term relationship. The High Court has sought a response from the police and posted the matter for May 5.
