ജയ്പൂർ: ഉഷ്ണതരംഗം കനക്കുന്ന രാജസ്ഥാനിൽ ചൂടിൽ നിന്ന് രക്ഷപ്പെടാൻ വിചിത്രമായ വഴി തേടിയ യുവാവ് ഒടുവിൽ വെട്ടിലായി. കത്തുന്ന വെയിലിൽ നിന്ന് രക്ഷനേടാൻ തലയിൽ സ്റ്റീൽ പാൽപാത്രം ഹെൽമെറ്റ് പോലെ കമിഴ്ത്തിയ യുവാവിന്റെ തല പാത്രത്തിനുള്ളിൽ കുടുങ്ങുകയായിരുന്നു (Rajasthan Man Milk Can Head Viral Video). ഇതിന്റെ വീഡിയോ സോഷ്യൽ മീഡിയയിൽ വൈറലായി.
യാത്രയ്ക്കിടെ വെയിൽ കൊള്ളാതിരിക്കാനാണ് യുവാവ് പാൽപാത്രം തലയിൽ വെച്ചത്. എന്നാൽ പാത്രത്തിന്റെ ഇടുങ്ങിയ വായ്വട്ടം വഴി അകത്തേക്ക് കടന്ന തല പിന്നീട് പുറത്തെടുക്കാൻ കഴിയാതെ വരികയായിരുന്നു. റോഡരികിൽ പാത്രവും തലയിൽ വെച്ച് നിൽക്കുന്ന യുവാവിനെ സഹായിക്കാൻ നാട്ടുകാർ ഓടിക്കൂടി. ചിലർ യുവാവിന്റെ അവസ്ഥ കണ്ട് ചിരിക്കുമ്പോൾ മറ്റു ചിലർ പാത്രം വലിച്ചൂരാൻ ശ്രമിക്കുന്നത് വീഡിയോയിൽ കാണാം. ഇൻസ്റ്റാഗ്രാം റീൽസ് എടുക്കാൻ വേണ്ടിയാണ് ഇയാൾ ഇത് ചെയ്തതെന്നും റിപ്പോർട്ടുകളുണ്ട്.
ഈ വർഷം രാജസ്ഥാനിൽ ചൂട് അതികഠിനമാണ്. പലയിടങ്ങളിലും താപനില 44 ഡിഗ്രി സെൽഷ്യസിന് മുകളിലെത്തി. ബാർമർ, ജോധ്പൂർ, ബിക്കാനീർ, ജയ്പൂർ എന്നിവിടങ്ങളിൽ കാലാവസ്ഥാ വകുപ്പ് ഉഷ്ണതരംഗ മുന്നറിയിപ്പ് നൽകിയിട്ടുണ്ട്. സാധാരണ ഹെൽമെറ്റുകൾ വെയിലത്ത് ചൂടാകുന്നത് ഒഴിവാക്കാൻ പലരും ഇത്തരം ‘നാടൻ വിദ്യകൾ’ പരീക്ഷിക്കാറുണ്ട്. മുൻപ് ജോധ്പൂരിൽ ഒരാൾ തന്റെ സ്കൂട്ടറിൽ ഷവർ സംവിധാനം ഒരുക്കിയതും വലിയ വാർത്തയായിരുന്നു.
Because apparently, common sense is optional when making reels 🙃
In Rajasthan, a man thought balancing a 15-liter milk can on his head would make for great social media content. What could possibly go wrong, right?
Well… the can got stuck. Completely.
What started as a “cool… pic.twitter.com/pxaI3MbTfl— The Nalanda Index (@Nalanda_index) April 26, 2026
Summary: A video of a man in rural Rajasthan with his head stuck inside a steel milk can has gone viral. To escape the scorching 44-degree heat, he allegedly used the can as a makeshift helmet while riding, only to find he couldn’t pull it off. Locals gathered around him, with some trying to assist while others were amused by the bizarre situation. Rajasthan is currently facing intense heatwave conditions, leading residents to attempt various unusual “hacks” to stay cool.
