ലഖ്നൗ: ആദ്യ പ്രസവാവധി എടുത്ത് രണ്ട് വർഷം തികയുന്നതിന് മുൻപ് രണ്ടാമത്തെ അവധിക്ക് അപേക്ഷിച്ചാൽ അത് നിഷേധിക്കാനാവില്ലെന്ന് അലഹബാദ് ഹൈക്കോടതി ( Allahabad High Court Maternity Leave Ruling). പാർലമെന്റ് പാസാക്കിയ പ്രസവാനുകൂല്യ നിയമത്തിലെ (Maternity Benefit Act) വ്യവസ്ഥകൾ മറ്റ് കീഴ്വഴക്കങ്ങളേക്കാൾ മുകളിലാണെന്ന് കോടതി നിരീക്ഷിച്ചു.
ജസ്റ്റിസ് കരുണേഷ് സിംഗ് പവാർ ഉൾപ്പെട്ട ലഖ്നൗ ബെഞ്ചാണ് നിർണ്ണായക വിധി പുറപ്പെടുവിച്ചത്. മനീഷ യാദവ് എന്ന ഉദ്യോഗസ്ഥയുടെ പ്രസവാവധി അപേക്ഷ അധികൃതർ നിരസിച്ചതിനെ തുടർന്നാണ് കോടതി ഇടപെടൽ. രണ്ട് പ്രസവാവധികൾക്കിടയിൽ കുറഞ്ഞത് രണ്ട് വർഷത്തെ ഇടവേള വേണമെന്ന സാമ്പത്തിക മാർഗ്ഗരേഖയിലെ ചട്ടം ചൂണ്ടിക്കാട്ടിയാണ് സർക്കാർ അപേക്ഷ തള്ളിയത്. എന്നാൽ, 1961-ലെ പ്രസവാനുകൂല്യ നിയമം ഇത്തരം നിയന്ത്രണങ്ങൾ പറയുന്നില്ലെന്നും അത് കേന്ദ്ര നിയമമാണെന്നും കോടതി ചൂണ്ടിക്കാട്ടി.
ഹർജിക്കാരിക്ക് 2021-ൽ ആദ്യ കുഞ്ഞ് ജനിച്ചിരുന്നു. തുടർന്ന് 2022-ൽ രണ്ടാമത്തെ അവധിക്ക് അപേക്ഷിച്ചെങ്കിലും അത് നിഷേധിക്കപ്പെട്ടു. ഈ നടപടി നിയമവിരുദ്ധമാണെന്ന് കോടതി വിലയിരുത്തി. 2026 ഏപ്രിൽ 6 മുതൽ ഒക്ടോബർ 2 വരെ മനീഷ യാദവിന് പ്രസവാവധി അനുവദിക്കാൻ കോടതി ഉത്തരവിട്ടു. സ്ത്രീകളുടെ തൊഴിൽ സുരക്ഷ ഉറപ്പാക്കുന്നതിലും അവർക്ക് അർഹമായ ആനുകൂല്യങ്ങൾ കാലതാമസം കൂടാതെ നൽകുന്നതിലും ഈ വിധി വലിയ പ്രാധാന്യമർഹിക്കുന്നു.
Summary: The Allahabad High Court has ruled that a second maternity leave cannot be denied even if it is requested within two years of the first one. Justice Karunesh Singh Pawar clarified that the Maternity Benefit Act, 1961, being a Parliamentary statute, overrides local financial handbooks or executive orders that mandate a two-year gap. The court set aside an order rejecting petitioner Manisha Yadav’s request and directed authorities to grant her leave from April to October 2026.
