തിരുവനന്തപുരം: സംസ്ഥാനത്ത് മിൽമ പാലിന്റെ വില വർധിപ്പിക്കുന്ന കാര്യത്തിൽ ഈ മാസം 29-ന് ചേരുന്ന ഡയറക്ടർ ബോർഡ് യോഗത്തിൽ തീരുമാനമുണ്ടായേക്കും. ലിറ്ററിന് ആറ് രൂപ വർധിപ്പിക്കണമെന്നാണ് മിൽമയുടെ ആവശ്യം. ഇതിനായി സർക്കാരിന്റെ അനുമതി തേടി വീണ്ടും കത്ത് നൽകുമെന്ന് മിൽമ ചെയർമാൻ അറിയിച്ചു.(Milma milk price may increase, Demand for an increase of Rs. 6 per liter)
കഴിഞ്ഞ മൂന്ന് വർഷമായി പാലിന് വില കൂട്ടിയിട്ടില്ലെന്ന് മിൽമ ചൂണ്ടിക്കാട്ടുന്നു. നിലവിലെ സാഹചര്യത്തിൽ വില കൂട്ടാതെ മുന്നോട്ട് പോകാൻ കഴിയില്ലെന്നാണ് ചെയർമാന്റെ നിലപാട്. വില വർധനയുമായി ബന്ധപ്പെട്ട് നേരത്തെ കത്ത് നൽകിയിരുന്നെങ്കിലും സർക്കാരിൽ നിന്ന് വ്യക്തമായ മറുപടി ലഭിച്ചിട്ടില്ല.
തിരഞ്ഞെടുപ്പ് പെരുമാറ്റച്ചട്ടം നിലനിന്നിരുന്നതിനാലാണ് മറുപടി വൈകിയതെന്നാണ് വിലയിരുത്തൽ. ലിറ്ററിന് ആറ് രൂപ കൂട്ടണമെന്ന ആവശ്യത്തിൽ ഉറച്ചുനിൽക്കുകയാണ് ഇവർ. 29-ന് നടക്കുന്ന നിർണ്ണായക യോഗത്തിന് ശേഷം ഇക്കാര്യത്തിൽ വ്യക്തതയുണ്ടാകും.
