കണ്ണൂർ മയ്യിൽ മുണ്ടേരിക്കടവിൽ കിണർ നിർമ്മാണത്തിനിടെയുണ്ടായ അപകടത്തിൽ രണ്ട് തൊഴിലാളികൾ മരിച്ചു. ചേലേരി മുക്ക് സ്വദേശി അബ്ദുൽ ഗഫൂർ, കണ്ണാടിപ്പറമ്പ് ടാക്കീസ് റോഡിൽ താമസിക്കുന്ന അത്താഴക്കുന്ന് സ്വദേശി രാജേഷ് എന്നിവരാണ് മരിച്ചത് ( Kannur Well Construction Accident). വ്യാഴാഴ്ച രാവിലെ ആറരയോടെ മുണ്ടേരിക്കടവ് സതീശൻ റോഡിനു സമീപമായിരുന്നു നാടിനെ നടുക്കിയ ഈ ദാരുണ സംഭവം നടന്നത്. കിണർ കുഴിക്കുന്ന പ്രവൃത്തിക്കിടെ തൊഴിലാളികൾ ഉപയോഗിച്ചിരുന്ന കയർ പെട്ടെന്ന് പൊട്ടി താഴേക്ക് വീഴുകയായിരുന്നു എന്നാണ് പ്രാഥമിക വിവരം.
അപകടം നടന്ന ഉടൻ തന്നെ നാട്ടുകാരും അഗ്നിരക്ഷാ സേനയും സ്ഥലത്തെത്തി സജീവമായ രക്ഷാപ്രവർത്തനം നടത്തിയിരുന്നു. കിണറ്റിൽ അകപ്പെട്ട ഇരുവരേയും അതിവേഗം പുറത്തെടുത്ത് കണ്ണൂർ എകെജി ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ആശുപത്രിയിൽ എത്തുന്നതിന് മുൻപേ തന്നെ മരണം സംഭവിച്ചിരുന്നതായി ഡോക്ടർമാർ സ്ഥിരീകരിച്ചു. മൃതദേഹങ്ങൾ ഇപ്പോൾ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. പോലീസ് സ്ഥലത്തെത്തി ഇൻക്വസ്റ്റ് നടപടികൾ ആരംഭിച്ചു.
Summary: Two laborers died in a tragic accident while digging a well at Munderikkadavu in Kannur. The deceased have been identified as Abdul Gafoor from Cheleri Mukku and Rajesh from Kannadiparamaba. The accident occurred around 6:30 AM on Thursday when the rope used during the construction snapped, causing the workers to fall. Although locals and fire service personnel rushed them to AKG Hospital, they could not be saved.
