നിതേഷ് തിവാരി സംവിധാനം ചെയ്യുന്ന ബിഗ് ബജറ്റ് ചിത്രം ‘രാമായണ’ത്തിലെ ശ്രീരാമനായുള്ള തന്റെ വേഷത്തെക്കുറിച്ച് മനസ്സ് തുറന്ന് രൺബീർ കപൂർ (Ranbir Kapoor Ramayana Movie). ന്യൂയോർക്കിൽ നടന്ന സ്പെഷ്യൽ ഐമാക്സ് ട്രെയിലർ സ്ക്രീനിംഗിനിടെയാണ് താരം വിശേഷങ്ങൾ പങ്കുവെച്ചത്. നാല് വർഷം മുൻപ് ഈ അവസരം വന്നപ്പോൾ താൻ അത് നിരസിച്ചിരുന്നുവെന്നും എന്നാൽ മകൾ റാഹയുടെ ജനനം തന്റെ ജീവിതത്തിലും തീരുമാനങ്ങളിലും വലിയ മാറ്റമുണ്ടാക്കിയെന്നും രൺബീർ പറഞ്ഞു.
“നാല് വർഷം മുൻപ് നമിത് മൽഹോത്ര ഈ വേഷം വാഗ്ദാനം ചെയ്തപ്പോൾ, താൻ ഇതിന് യോഗ്യനല്ലെന്നായിരുന്നു ആദ്യ ചിന്ത. എന്നാൽ പിന്നീട് ആ ഭയം നന്ദിയായി മാറി. എന്റെ ജീവിതത്തിൽ ഇങ്ങനെയൊരു മാറ്റം ആവശ്യമായ സമയമായിരുന്നു അത്. ആദ്യമായി ഒരു അച്ഛനായതും ശ്രീരാമനെ അവതരിപ്പിക്കാനുള്ള അവസരം ലഭിച്ചതും ഒരേ കാലയളവിലായിരുന്നു. അത് എന്റെ ജീവിതത്തിലെ വലിയൊരു ടേണിംഗ് പോയിന്റായി,” രൺബീർ വ്യക്തമാക്കി. 2022 നവംബറിലാണ് രൺബീറിനും ആലിയ ഭട്ടിനും മകൾ റാഹ ജനിച്ചത്.
രാമനാന്ദ് സാഗറിന്റെ രാമായണം കണ്ടാണ് താൻ വളർന്നതെന്നും ആ കഥാപാത്രത്തെ അവതരിപ്പിക്കുമ്പോൾ ശാരീരികമായ തയ്യാറെടുപ്പുകളേക്കാൾ ഉപരിയായി വൈകാരികവും ആത്മീയവുമായ ഔന്നത്യം ആവശ്യമാണെന്നും അദ്ദേഹം കൂട്ടിച്ചേർത്തു.
Summary: Actor Ranbir Kapoor revealed during a Q&A in New York that he initially rejected the offer to play Lord Ram in Nitesh Tiwari’s ‘Ramayana’. However, becoming a father to daughter Raha in 2022 changed his perspective and lifestyle, making him embrace the role. The film, produced with a massive budget of ₹4,000 crore, features music by AR Rahman and Hans Zimmer. The first teaser of this epic project is set to release in India tomorrow.
