ജിസാൻ: സൗദി അറേബ്യയിലെ അബൂഅരീഷ് സൗദി ആംഡ് ഫോഴ്സ് ആശുപത്രിയിൽ സ്റ്റാഫ് നഴ്സായി ജോലി ചെയ്തിരുന്ന പത്തനംതിട്ട റാന്നി സ്വദേശിനി ഷെർളി ഡേവിഡ് ജേക്കബ് (34) അന്തരിച്ചു (Malayali Nurse Death Jizan). ശ്വാസകോശ സംബന്ധമായ അസുഖത്തെത്തുടർന്ന് ചികിത്സയിലിരിക്കെയാണ് അന്ത്യം സംഭവിച്ചത്.
ശ്വാസകോശരോഗം ഗുരുതരമായതിനെത്തുടർന്ന് മാർച്ച് 5 മുതൽ തീവ്രപരിചരണ വിഭാഗത്തിൽ (ICU) ചികിത്സയിലായിരുന്നു. ഞായറാഴ്ച രാവിലെ ഹൃദയാഘാതമുണ്ടായതോടെ ആരോഗ്യനില കൂടുതൽ വഷളാവുകയും വൈകിട്ട് നാല് മണിയോടെ മരണം സംഭവിക്കുകയുമായിരുന്നു.
റാന്നി നെല്ലിക്കാമൺ കുറിച്ചിപ്പത്തലിൽ ഡേവിഡ് ജേക്കബിന്റെയും ശാന്തമ്മയുടെയും മകളാണ്. ഭർത്താവ്: ജോബിൻ. അബഹ അൽഹയാത്ത് ആശുപത്രിയിൽ നഴ്സായ സഹോദരി ഷൈനി ഡേവിഡ് ചികിത്സാസമയത്ത് ഷെർളിക്കൊപ്പമുണ്ടായിരുന്നു.
കഴിഞ്ഞ എട്ട് വർഷമായി ജിസാനിൽ നഴ്സായി സേവനമനുഷ്ഠിച്ചു വരികയായിരുന്നു ഷെർളി.
മൃതദേഹം നിലവിൽ അബൂഅരീഷ് ഡിഫൻസ് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. നിയമനടപടികൾ പൂർത്തിയാക്കി മൃതദേഹം എത്രയും വേഗം നാട്ടിലെത്തിക്കാനുള്ള ശ്രമങ്ങൾ ആരംഭിച്ചതായി സഹോദരി അറിയിച്ചു.
ജിസാനിലെ വിവിധ പ്രവാസി സംഘടനകൾ ഷെർളിയുടെ വിയോഗത്തിൽ അനുശോചനം രേഖപ്പെടുത്തി. നാട്ടിലെത്തിക്കാനുള്ള നടപടികൾക്കായി സാമൂഹിക പ്രവർത്തകരും രംഗത്തുണ്ട്.
Story Summary:
Sherly David Jacob (34), a Malayali nurse from Ranni, Pathanamthitta, passed away in Jizan, Saudi Arabia. She was working as a staff nurse at the Abu Arish Saudi Armed Forces Hospital. Sherly had been in the ICU since March 5 due to severe respiratory illness and suffered a fatal cardiac arrest on Sunday. She had been working in Jizan for over eight years. Authorities and community organizations are coordinating to repatriate her mortal remains.
