കൊച്ചി: രാജ്യത്തെ പോലീസ്, അർദ്ധസൈനിക വിഭാഗങ്ങളിൽ സേവനമനുഷ്ഠിക്കുന്നവർക്കും വിരമിച്ചവർക്കും അവരുടെ കുടുംബങ്ങൾക്കും പുതിയ ആനുകൂല്യങ്ങൾ പ്രഖ്യാപിച്ച് നിസാൻ മോട്ടോർ ഇന്ത്യ (Nissan Magnite KPKB offer 2026). ആഭ്യന്തര മന്ത്രാലയത്തിന് കീഴിലുള്ള കേന്ദ്രീയ പോലീസ് കല്യാൺ ഭണ്ഡാറുമായി (KPKB) സഹകരിച്ചാണ് നിസാന്റെ ജനപ്രിയ മോഡലായ മാഗ്നൈറ്റിൽ (Nissan Magnite) ഈ പ്രത്യേക ഓഫറുകൾ ലഭ്യമാക്കുന്നത്.
പ്രധാന ആനുകൂല്യങ്ങൾ:
മാഗ്നൈറ്റ് വാങ്ങുന്നവർക്ക് 5.55% എന്ന ആകർഷകമായ നിരക്കിൽ ഫിനാൻസ് സൗകര്യം ലഭ്യമാകും.
മൂന്ന് വർഷത്തെ പ്രീപെയ്ഡ് മെയിന്റനൻസ് പാക്കേജ് ഗുണഭോക്താക്കൾക്ക് തികച്ചും സൗജന്യമായിരിക്കും.
ഇന്ത്യയിലുടനീളമുള്ള നിസാൻ ഡീലർഷിപ്പുകളിൽ നിന്ന് കെപികെബി ഗുണഭോക്താക്കൾക്ക് ഈ ആനുകൂല്യങ്ങൾ പ്രയോജനപ്പെടുത്താം. നിലവിലുള്ള മറ്റ് കസ്റ്റമർ ഓഫറുകൾക്ക് പുറമെയാണ് ഈ പ്രത്യേക ആനുകൂല്യങ്ങൾ നൽകുന്നത്.
രാജ്യത്തെ സുരക്ഷാ ഉദ്യോഗസ്ഥർക്ക് സുരക്ഷിതവും വിശ്വസനീയവും ഉയർന്ന നിലവാരമുള്ളതുമായ യാത്രാ സൗകര്യങ്ങൾ ഉറപ്പാക്കുക എന്നത് തങ്ങളുടെ ഉത്തരവാദിത്തമാണെന്ന് നിസ്സാൻ മോട്ടോർ ഇന്ത്യ മാനേജിംഗ് ഡയറക്ടർ സൗരഭ് വത്സ പറഞ്ഞു. 2026-നെ നിസാന്റെ ഉയിർത്തെഴുന്നേൽപ്പിന്റെ വർഷമായിട്ടാണ് കമ്പനി കാണുന്നതെന്നും ഇത്തരം പങ്കാളിത്തങ്ങൾ ഉപഭോക്താക്കൾക്ക് വലിയ മൂല്യം നൽകുമെന്നും അദ്ദേഹം കൂട്ടിചേർത്തു.
സായുധ സേനാംഗങ്ങൾക്കായി (CSD) നിസാൻ നേരത്തെ പ്രഖ്യാപിച്ച ‘ബോൾഡ് ഫോർ ദി ബ്രേവ്’ (Bold For The Brave) പദ്ധതിയുടെ തുടർച്ചയായാണ് പോലീസ് വിഭാഗങ്ങൾക്കായുള്ള ഈ പുതിയ നീക്കം.
Story Summary:
Nissan Motor India has partnered with the Kendriya Police Kalyan Bhandar (KPKB) to offer exclusive benefits on the Nissan Magnite for serving and retired police and paramilitary personnel and their families. The benefits include a special finance rate of 5.55% and a complimentary 3-year prepaid maintenance package. Managing Director Saurabh Vatsa stated that this initiative reflects Nissan’s commitment to providing reliable mobility solutions to the nation’s security forces.
