കൊച്ചി: സിയാലിന്റെ (CIAL) അനുബന്ധ സ്ഥാപനമായ സി.ഐ.എ.എസ്.എൽ (CIASL Academy courses) അക്കാദമി പുതിയ അധ്യയന വർഷത്തേക്കുള്ള വിവിധ ഏവിയേഷൻ കോഴ്സുകളിലേക്ക് അപേക്ഷ ക്ഷണിച്ചു. കുസാറ്റിന്റെ (CUSAT) അംഗീകാരമുള്ള പി.ജി ഡിപ്ലോമ, അഡ്വാൻസ് ഡിപ്ലോമ, സർട്ടിഫിക്കറ്റ് കോഴ്സുകളിലേക്കാണ് ഇപ്പോൾ പ്രവേശനം ആരംഭിച്ചിരിക്കുന്നത്. കേരളത്തിലെ സർവകലാശാല അംഗീകൃത ഏവിയേഷൻ കോഴ്സുകൾ നൽകുന്ന ഏക സ്ഥാപനമാണിത്.
പ്രധാന കോഴ്സുകൾ:
-
പി.ജി ഡിപ്ലോമ ഇൻ ഏവിയേഷൻ മാനേജ്മെന്റ്: ദൈർഘ്യം ഒരു വർഷം. ഏതെങ്കിലും വിഷയത്തിൽ ബിരുദമാണ് അടിസ്ഥാന യോഗ്യത.
-
അഡ്വാൻസ് ഡിപ്ലോമ ഇൻ എയർക്രാഫ്റ്റ് റെസ്ക്യു ആൻഡ് ഫയർ ഫൈറ്റിങ്: സയൻസ് വിഷയത്തിൽ പ്ലസ്ടു പാസായവർക്ക് അപേക്ഷിക്കാം. ഫിസിക്കൽ ടെസ്റ്റ് നിർബന്ധമാണ്.
-
എയർപോർട്ട് പാസഞ്ചർ സർവ്വീസ് മാനേജ്മെന്റ് (സർട്ടിഫിക്കറ്റ് കോഴ്സ്): ദൈർഘ്യം ആറു മാസം. ബിരുദമാണ് യോഗ്യത.
-
എയർപോർട്ട് റാംപ് സർവീസ് മാനേജ്മെന്റ് (സർട്ടിഫിക്കറ്റ് കോഴ്സ്): ദൈർഘ്യം ആറു മാസം. ബിരുദമാണ് യോഗ്യത.
പ്രത്യേകതകൾ: വിമാനത്താവള പ്രവർത്തനങ്ങൾ നേരിട്ട് കണ്ടറിഞ്ഞ് പഠിക്കാമെന്നതാണ് ഈ ക്യാമ്പസിന്റെ ഏറ്റവും വലിയ പ്രത്യേകത. വ്യക്തിത്വ വികസനം, സോഫ്റ്റ് സ്കിൽ, ആശയവിനിമയം എന്നിവയിൽ പ്രത്യേക പരിശീലനം നൽകും. ഓരോ കോഴ്സിനും 50 സീറ്റുകൾ വീതമാണുള്ളത്. ഇന്റർനാഷണൽ എയർ ട്രാൻസ്പോർട്ട് അസോസിയേഷൻ (IATA), എയർപോർട്സ് കൗൺസിൽ ഇന്റർനാഷണൽ എന്നിവയുടെ അംഗീകാരമുള്ള ഈ കോഴ്സുകൾക്ക് ആഗോളതലത്തിൽ തന്നെ വലിയ പ്രാധാന്യമുണ്ട്.
അപേക്ഷിക്കേണ്ട വിധം: താല്പര്യമുള്ളവർക്ക് https://academy.ciasl.aero/ എന്ന ഔദ്യോഗിക ലിങ്ക് വഴി അപേക്ഷിക്കാം.
കൂടുതൽ വിവരങ്ങൾക്ക്:
-
ഫോൺ: 8848000901, 0484-2611785
-
ഇമെയിൽ: academy@ciasl.in
Story Summary:
CIASL Academy, a subsidiary of CIAL, has invited applications for various aviation courses for the upcoming academic year. The courses, affiliated with CUSAT, include PG Diploma in Aviation Management, Advanced Diploma in Aircraft Rescue and Fire Fighting, and Certificate courses in Airport Passenger and Ramp Service Management. Eligibility ranges from Plus Two Science to Graduation. Each course has 50 seats, and interested candidates can apply through the official academy website.
