തിരുവനന്തപുരം: കേരളം ഉൾപ്പെടെ അഞ്ച് സംസ്ഥാനങ്ങളിലെ നിയമസഭാ തിരഞ്ഞെടുപ്പ് തീയതികൾ കേന്ദ്ര തിരഞ്ഞെടുപ്പ് കമ്മീഷൻ പ്രഖ്യാപിച്ചു (Kerala Assembly Election 2026 date). കേരളത്തിൽ ഏപ്രിൽ 9-നാണ് വോട്ടെടുപ്പ് നടക്കുക. മേയ് 4-ന് വോട്ടെണ്ണലും ഫലപ്രഖ്യാപനവും നടക്കും. കേരളത്തിനൊപ്പം പുതുച്ചേരിയിലും അസമിലും ഏപ്രിൽ 9-നാണ് വോട്ടെടുപ്പ്. തമിഴ്നാട്ടിലും ബംഗാളിലും ഏപ്രിൽ 23-നാണ് ആദ്യഘട്ട വോട്ടെടുപ്പ് ആരംഭിക്കുന്നത്.
തിരഞ്ഞെടുപ്പ് കലണ്ടർ ഒറ്റനോട്ടത്തിൽ
| സംസ്ഥാനം | വോട്ടെടുപ്പ് തീയതി | ഫലപ്രഖ്യാപനം |
| കേരളം | ഏപ്രിൽ 9 | മേയ് 4 |
| പുതുച്ചേരി | ഏപ്രിൽ 9 | മേയ് 4 |
| അസം | ഏപ്രിൽ 9 | മേയ് 4 |
| തമിഴ്നാട് | ഏപ്രിൽ 23 | മേയ് 4 |
| ബംഗാൾ | ഏപ്രിൽ 23, 29 | മേയ് 4 |
സ്ഥാനാർഥി നിർണ്ണയം അവസാന ഘട്ടത്തിൽ
തിരഞ്ഞെടുപ്പ് തീയതി പ്രഖ്യാപിച്ചതോടെ രാഷ്ട്രീയ പാർട്ടികൾ സ്ഥാനാർഥി നിർണ്ണയ ചർച്ചകൾ വേഗത്തിലാക്കി. സി.പി.ഐ.എം, കോൺഗ്രസ്, സി.പി.ഐ എന്നീ പാർട്ടികൾ തങ്ങളുടെ സ്ഥാനാർഥി പട്ടിക ഇന്ന് തന്നെ പ്രഖ്യാപിച്ചേക്കും. ബി.ജെ.പിയുടെ പട്ടിക നാളെയോ മറ്റന്നാളോ പുറത്തു വരുമെന്നാണ് സൂചന.
അമ്പലപ്പുഴയിൽ ജി. സുധാകരൻ സ്വതന്ത്രനായി മത്സരിക്കാൻ തീരുമാനിച്ചതും കണ്ണൂരിൽ കെ. സുധാകരൻ മത്സരിക്കുന്നതുമായി ബന്ധപ്പെട്ട ചർച്ചകളും രാഷ്ട്രീയ കേരളത്തിൽ വലിയ ശ്രദ്ധ നേടുന്നുണ്ട്. തിരഞ്ഞെടുപ്പ് പ്രഖ്യാപിച്ചതോടെ മാതൃകാ പെരുമാറ്റച്ചട്ടം നിലവിൽ വന്നു.
Story Summary:
The Election Commission of India has announced the schedule for the 2026 Assembly Elections. Kerala, Assam, and Puducherry will go to polls in a single phase on April 9, with counting scheduled for May 4. Tamil Nadu will vote on April 23, while West Bengal’s election will be held in two phases on April 23 and 29. Political parties in Kerala, including CPI(M), Congress, and CPI, are expected to finalize and release their candidate lists today.
