കൊൽക്കത്ത: രാഷ്ട്രപതി ദ്രൗപതി മുർമുവിനെ പശ്ചിമ ബംഗാൾ സർക്കാർ അനാദരിച്ചുവെന്ന പ്രധാനമന്ത്രി നരേന്ദ്ര മോദിയുടെ ആരോപണത്തിന് കടുത്ത ഭാഷയിൽ മറുപടി നൽകി തൃണമൂൽ കോൺഗ്രസ്. പ്രധാനമന്ത്രി ഇരിക്കുകയും രാഷ്ട്രപതി നിൽക്കുകയും ചെയ്യുന്ന ചിത്രം പുറത്തുവിട്ടാണ് തൃണമൂൽ തിരിച്ചടിച്ചത്.(TMC responds to PM Modi by showing old picture, on accusation of disrespecting President)
രാഷ്ട്രപതി നിൽക്കുമ്പോൾ പ്രധാനമന്ത്രി കസേരയിൽ ഇരിക്കുന്നതാണ് ചിത്രത്തിലുള്ളത്. രാഷ്ട്രപതിയുടെ ഓഫീസിനെ ബഹുമാനിക്കുന്നതിനെക്കുറിച്ച് പറയുന്നവരുടെ വാദങ്ങൾ എത്രത്തോളം പൊള്ളയാണെന്ന് ഇതിൽ നിന്ന് വ്യക്തമാണ് എന്ന് തൃണമൂൽ വക്താക്കൾ ആരോപിച്ചു.
എല്ലാ തിരഞ്ഞെടുപ്പിന് മുൻപും പ്രധാനമന്ത്രി ബംഗാളിനെ അനാവശ്യമായി ആക്രമിക്കുകയാണെന്ന് മമത ബാനർജി ആരോപിച്ചു. സ്വകാര്യ സംഘടന സംഘടിപ്പിച്ച പരിപാടിയിൽ തങ്ങളെ ഉൾപ്പെടുത്തിയിരുന്നില്ലെന്നും അവർ വ്യക്തമാക്കി.
