മസ്കറ്റ്: ഇറാൻ-ഇസ്രായേൽ യുദ്ധം സമുദ്രപാതകളിലേക്ക് വ്യാപിച്ചതോടെ ഒമാൻ തീരത്ത് എണ്ണക്കപ്പലിന് നേരെ ഉണ്ടായ സ്ഫോടനത്തിൽ ഒരു ഇന്ത്യൻ നാവികൻ കൊല്ലപ്പെട്ടു (Indian Casualty Oman Oil Tanker Attack 2). മസ്കറ്റ് തീരത്ത് നിന്ന് 52 നോട്ടിക്കൽ മൈൽ അകലെ സഞ്ചരിക്കുകയായിരുന്ന ‘എംകെഡി വ്യോം’ (MKD VYOM) എന്ന കപ്പലിന് നേരെ സ്ഫോടകവസ്തുക്കൾ നിറച്ച ഡ്രോൺ ബോട്ട് ഇടിച്ചുകയറുകയായിരുന്നു. കപ്പലിന്റെ എഞ്ചിൻ റൂമിലുണ്ടായ തീപിടുത്തത്തിലാണ് നാവികൻ മരണപ്പെട്ടതെന്ന് ഒമാൻ ഔദ്യോഗിക വാർത്താ ഏജൻസി സ്ഥിരീകരിച്ചു.
കൊല്ലപ്പെട്ട നാവികൻ ഇന്ത്യക്കാരനാണെന്ന് സ്ഥിരീകരിച്ചിട്ടുണ്ട് (കൂടുതൽ വിവരങ്ങൾ ലഭ്യമായിട്ടില്ല). കപ്പലിലുണ്ടായിരുന്ന മറ്റ് 21 ജീവനക്കാരെ ഒമാൻ റോയൽ നേവി സുരക്ഷിതമായി ഒഴിപ്പിച്ചു. മാർഷൽ ഐലൻഡ്സ് പതാകയുള്ള ഈ കപ്പലിന് നേരെയുണ്ടായ ആക്രമണം ഹോർമുസ് കടലിടുക്കിലൂടെയുള്ള അന്താരാഷ്ട്ര കപ്പൽ ഗതാഗതത്തെ ഭീതിയിലാഴ്ത്തിയിരിക്കുകയാണ്. ഇതിനോടകം ഖത്തറിലെ ഊർജ്ജ കേന്ദ്രങ്ങൾക്കും വിമാനത്താവളത്തിനും നേരെ ഇറാൻ ഡ്രോൺ ആക്രമണം നടത്തിക്കഴിഞ്ഞു.
