ടെൽ അവീവ്: ഇസ്രായേൽ രാഷ്ട്രീയത്തിലെ കരുത്തരായ രണ്ട് പ്രതിപക്ഷ നേതാക്കൾ ബെഞ്ചമിൻ നെതന്യാഹുവിനെതിരെ ഒന്നിക്കുന്നു. തീവ്ര വലതുപക്ഷ നേതാവായ നഫ്താലി ബെനറ്റും മിതവാദി നേതാവായ യെയർ ലാപിഡുമാണ് ലയന പ്രഖ്യാപനം നടത്തിയത്. ‘ടുഗതർ’ എന്നാണ് പുതിയ പാർട്ടിയുടെ പേര്.(Former Israeli PMs Bennett, Lapid unite to challenge Netanyahu in elections)
ഭിന്നിച്ചുനിൽക്കുന്ന പ്രതിപക്ഷത്തെ ഏകോപിപ്പിച്ച് നെതന്യാഹുവിന്റെ സഖ്യകക്ഷികളെ പരാജയപ്പെടുത്തുക എന്നതാണ് ലക്ഷ്യം. ഒക്ടോബർ 7-ലെ ഹമാസ് ആക്രമണത്തിന് കാരണമായ സുരക്ഷാ വീഴ്ചകളെക്കുറിച്ച് ദേശീയ അന്വേഷണ കമ്മീഷനെ നിയോഗിക്കുമെന്ന് നഫ്താലി ബെനറ്റ് ഉറപ്പ് നൽകി. നെതന്യാഹുവിന്റെ യുദ്ധനയങ്ങളെയും സമീപകാലത്ത് ഇറാനുമായി ഒപ്പിട്ട രണ്ടാഴ്ചത്തെ വെടിനിർത്തലിനെയും ലാപിഡ് രൂക്ഷമായി വിമർശിച്ചു.
തങ്ങളുടെ രാജ്യം നേരിടുന്ന വെല്ലുവിളികൾ നേരിടാൻ ഏറ്റവും ‘സിയോണിസ്റ്റ്’ ആയ നിലപാടാണ് ഈ സഖ്യമെന്ന് നഫ്താലി ബെനറ്റ് വിശേഷിപ്പിച്ചു. ബെനറ്റ് ഒരു വലതുപക്ഷ രാഷ്ട്രീയക്കാരനാണെങ്കിലും സത്യസന്ധനാണെന്നും ഇരുവരും തമ്മിൽ പരസ്പര വിശ്വാസമുണ്ടെന്നും യെയർ ലാപിഡ് പ്രതികരിച്ചു. ഒക്ടോബറിൽ നടക്കാനിരിക്കുന്ന തിരഞ്ഞെടുപ്പിൽ നെതന്യാഹുവിന് കനത്ത തിരിച്ചടി ലഭിക്കുമെന്നാണ് നിലവിലെ സർവ്വേകൾ സൂചിപ്പിക്കുന്നത്.
