ലോസ് ആഞ്ചലസ്: 98-ാമത് ഓസ്കർ പുരസ്കാര വേദിയിൽ വിവാദ പരാമർശവുമായി അവതാരകൻ കോനൻ ഒബ്രിയാൻ. ലൈംഗിക കുറ്റവാളി ജെഫ്രി എപ്സ്റ്റീനുമായും ബ്രിട്ടനിലെ ആൻഡ്രൂ രാജകുമാരനുമായും ബന്ധപ്പെട്ട തമാശയാണ് ഹോളിവുഡ് താരങ്ങളെയും കാണികളെയും ഒരുപോലെ അമ്പരപ്പിച്ചത് (Conan O’Brien Epstein Joke Oscars). ഒബ്രിയാന്റെ പരാമർശത്തിന് പിന്നാലെ സദസ്സിൽ അൽപ്പനേരം നിശബ്ദത പടരുകയും പിന്നീട് കൈയടികൾ ഉയരുകയും ചെയ്തു.
ബ്രിട്ടീഷ് അഭിനേതാക്കളുടെ അഭാവത്തെക്കുറിച്ച് സംസാരിക്കവേയായിരുന്നു ഒബ്രിയാന്റെ പരിഹാസം. “2011-ന് ശേഷം ആദ്യമായി ഇത്തവണ ബ്രിട്ടീഷ് അഭിനേതാക്കൾ ആരും നാമനിർദ്ദേശം ചെയ്യപ്പെട്ടിട്ടില്ല. പക്ഷേ, അവിടെ കുറഞ്ഞപക്ഷം പീഡോഫൈലുകളെ (കുട്ടികളെ ലൈംഗികമായി പീഡിപ്പിക്കുന്നവർ) എങ്കിലും അവർ അറസ്റ്റ് ചെയ്യുന്നുണ്ടല്ലോ,” എന്നായിരുന്നു ഒബ്രിയാൻ പറഞ്ഞത്. എപ്സ്റ്റീൻ കേസുമായി ബന്ധപ്പെട്ട് ആൻഡ്രൂ രാജകുമാരൻ നേരിടുന്ന അന്വേഷണത്തെയും 2026 ഫെബ്രുവരിയിലെ അദ്ദേഹത്തിന്റെ അറസ്റ്റിനെയും സൂചിപ്പിച്ചായിരുന്നു ഈ പരാമർശം.
ഹോളിവുഡിനെയും രാഷ്ട്രീയത്തെയും ഒരുപോലെ പരിഹസിച്ചായിരുന്നു ഒബ്രിയാന്റെ പ്രസംഗം. “ഓസ്കറിലെ അവസാനത്തെ മനുഷ്യ അവതാരകനായിരിക്കുന്നതിൽ എനിക്ക് അഭിമാനമുണ്ട്, അടുത്ത വർഷം ടക്സീഡോ ധരിച്ച ഒരു വേമോ (Waymo) കാറായിരിക്കും ഈ സ്ഥാനം ഏറ്റെടുക്കുക,” എന്ന് അദ്ദേഹം തമാശയായി പറഞ്ഞു. യുദ്ധവും സംഘർഷങ്ങളും നിറഞ്ഞ ലോകസാഹചര്യത്തിൽ, കലയും സിനിമയും നൽകുന്ന ഐക്യത്തെക്കുറിച്ചും പ്രത്യാശയെക്കുറിച്ചും അദ്ദേഹം ഗൗരവമായി സംസാരിക്കുകയും ചെയ്തു.
Summary: Host Conan O’Brien stunned the audience at the 2026 Oscars with a controversial joke referencing Jeffrey Epstein and Prince Andrew. While commenting on the lack of British acting nominees, O’Brien remarked that at least “they arrest the paedophiles over there,” alluding to the recent legal troubles involving the British Royal family member.
